Bursat europiane, në rritje modeste – Tregjet presin të dhënat mbi inflacionin në SHBA për shkurtin
Tregjet europiane i janë rikthyer fitimeve në sesionin e sotëm, pasi humbjeve të një dite më parë, si pasojë e kolapsit të Silicon Valley Bank, që ka rikthyer në vëmendje krizën e vitit 2008. Indeksi pan-Europian Stoxx 600 e ka nisur ditën në rritje me rreth 0.2%, ndërsa shumica e sektorëve janë në territor pozitiv.
Ndërkohë, shumica e tregjeve në rajonin e Azi-Paqësorit, patën një tendencë në rënie, ndërsa Wall Street publikoi humbje për të pestin sesion me radhë.
Presidenti amerikan, Joe Biden u përpoq të sigurojë amerikanët se sistemi bankar është i fortë, ndërsa këmbënguli se masat e marra nuk do të paguhen nga paratë e taksapaguesve. Referuar të dhënave të tjera, indeksi i çmimeve konsumatore në SHBA do të publikohet ditën e sotme dhe analistët parashikojnë një rritje mujore me 0.4% dhe një rritje vjetore me 6%.
Referuar korporatave, Volksëagen njoftoi të martën planin e saj për investime në vlerën e 180 miliardë eurove për përiudhën 2023-2027, ndërsa pjesa më e madhe do të shkojë për elektrifikimin dhe dixhitalizimin.
SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.