Tregjet europiane zgjerojnë fitimet – Vendimi i FED për rritjen e interesave ishte i pritshëm nga investitorët

Bursat europiane janë hapur në rritje edhe në sesionin e sotëm, duke zgjeruar fitimet e një dite më parë, pasi vendimi i Rezervës Federale për të rritur normën bazë të interesit me 75 pikë bazë, ishte në linjë më parashikimet e analistëve. Indeksi pan-Europian STOXX 600 është hapur në rritje me 0.5%, ndërsa fitimet më të mëdha i realizon sërish sektori bankat dhe ai i shërbimeve.

Gjatë tregtisë amerikane një ditë më parë, pati luhatshmëri pas vendimit të Rezervës Federale, por më pas tregjet u rikthyen në territor pozitiv. Gjatë fjalës së tij, shefi i Rezervës Federale tha se rritja e normës referencë të interesit me 75 pikë bazë ishte e pazakontë, që me shumë mundësi nuk do të ndodhë sërish në të ardhmen. Gjithashtu, Poëell shtoi se vendimet do të merren takim pas takimi dhe banka qëndrore do të komunikojë sa më qartë të jetë e mundur.

Gjithashtu, gjatë ditës së sotme pritet të komunikojë vendimet e saj edhe Banka e Anglisë dhe disa banka të tjera anembanë botës. Investitorët po presin edhe disa të dhëna në Europë mbi shitjen e automjeteve për muajin maj dhe rritjen e pagave në Eurozonë për tremujorin e parë të vitit.

SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.