Cili do të jetë kryeministri i përkohshëm përpara zgjedhjeve të përsëritura të qershorit në Greqi?!

Presidenti i Greqisë do të emërojë një kryeministër të përkohshëm të mërkurën për të formuar një qeveri që do ta çojë vendin në një zgjedhje të përsëritur më 25 qershor, pas votimit jopërfundimtar të fundjavës së kaluar.

Partia konservatore Demokracia e Re e kryeministrit Kyriakos Mitsotakis fitoi me 40.1% të dielën e kaluar, por nuk arriti një shumicë të plotë. Tre partitë kryesore të vendit, përfshirë Demokracinë e Re, kanë refuzuar një mandat për një koalicion qeverisës, duke nxitur për një votim të dytë më 25 qershor.

Mitsotakis beson se një votim i dytë, i cili i jep partisë drejtuese vende bonus, do t’i japë Demokracisë së Re shumicën e nevojshme për të qeverisur e vetme. Partitë e opozitës refuzuan gjithashtu oferta të veçanta për të kërkuar një koalicion pasi nuk arritën të siguronin numrin e nevojshëm të vendeve në legjislaturën prej 300 vendesh. Ata shpresojnë se një votim i dytë do të rrisë vlerësimet e tyre.

Të mërkurën, presidenti ftoi liderët e të gjitha partive, pjesa e votave të të cilave kapërceu pragun e 3% për të diskutuar hapat përpara. Ftesa ishte procedurale dhe bisedimet e shkurtra nuk sollën një qeveri koalicioni. Sipas kushtetutës së Greqisë, nëse bisedimet e koalicionit dështojnë, presidenti emëron një kryeministër të përkohshëm për ta udhëhequr vendin në një votim të përsëritur.

Detyra do t’i kalojë Ioannis Sarmas, një zyrtar i lartë gjyqësor i cili është kryetar i Gjykatës Helenike të Auditimit, një nga tre gjykatat e larta të vendit. Kreu i partisë komuniste KKE Dimitris Koutsoumbas tha se zgjedhjet e përsëritura do të mbahen më 25 qershor.

Sipas sistemit zgjedhor të Greqisë, fituesi i një votimi të dytë pas zgjedhjeve të para jo përfundimtare mund të marrë deri në 50 vende bonus për çdo pikë që fiton mbi 25%. Për të përfituar nga vendet bonus, Demokracia e Re duhet të mbetet partia më e madhe, por kjo duket e mundshme pasi rivali i saj më i afërt, Syriza, ka siguruar vetëm një të pestën e votave më 21 maj. Nëse siguron sërish 40% të votave ose edhe pak më pak, me shumë mundësi do të ketë një shumicë të qartë.

Gjithsej vendet që siguron Demokracia e Re do të varet nga sa parti të tjera do të hyjnë në parlament. Parlamenti i ri i cili doli nga zgjedhjet e 21 majit do të mblidhet të dielën e ardhshme dhe do të shpërndahet një ditë më vonë përpara se qeveria e përkohshme të marrë drejtimin.

Edel Strazimiri / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.