Deficiti e borxhi gërryejnë besimin te Macron – Tre nga katër francezë thonë se janë të zhgënjyer me presidentin e tyre

Një rënie e re prej 2 pikësh është shënuar në prill në krahasim me muajin mars në përqindjen e besimit të votuesve francezë ndaj presidentit Macron, e cila ka rënë në 25% sipas matjes së fundit të barometrit Elabe për gazetën financiare “Les Echos”. përqindja e të sapoemëruarit të kryeministrit Gabriel Atal mbeti e qëndrueshme në 32%.

Edhe më e madhe – me 5 pikë përqindjeje – se rënia e popullaritetit të presidentit francez është ajo e ministrit të financave dhe një prej kandidatëve të supozuar për ta pasuar atë në zgjedhjet e ardhshme presidenciale në 2027, Bruno Le Maire.

Qeveria po e nis fushatën për zgjedhjet europiane në një situatë që askush nuk do ta quante të lehtë. Nuk ka asnjë efekt pozitiv mbi elektoratin nga politika dhe qëndrimet e Macron për çështjen e Ukrainës, nuk ka asnjë përfitim për presidentin nga emërimi i kryeministrit Gabriel Atal.

Popullariteti i Emmanuel Macron po rrëshqet në të gjitha kategoritë e votuesve francezë, por aty ku presidenti po pëson disfatë të vërtetë është në fashën e 65 vjecarëve. Në këtë kategori, mbëshettja ndaj Macron ra me 9 pikë përqindje në vetëm një muaj dhe u kufizua në 27%.

Kjo është një grupmoshë vendimtare për presidentin, sepse tregon besnikërinë dhe pjesëmarrjen më të madhe politike në çdo garë elektorale. Sa i përket shkakut të rënies së sondazhit të Macron, ekspertët shprehin shqetësimin për zhvillimet në Ukrainë – kujtohet se pak javë më parë presidenti francez kërcënoi se do të dërgonte forca tokësore për të luftuar përkrah ukrainasve kundër agresionit rus, gjë që duket se nuk u prit pozitivisht nga opinioni publik francez.

Megjithatë, ajo që është e bujshme është se “65-vjeçarët” nuk duken të pakënaqur për gjendjen e tyre financiare, pikërisht se po u gërryen pensionet dhe po u ul fuqinë blerëse. Ata janë të shqetësuar kryesisht për zhvillimet makroekonomike në vendin e tyre.

Dorina Kurtaj /SCAN

 

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.