Elon Musk, dorëheqja nga Twitter kushton 1 miliard dollarë – Miliarderi nuk dëshiron më të blejë rrjetin social

Dy sfida të mëdha – transformimi i industrisë së automjeteve duke e shtyrë drejt elektrikes dhe pushtimi i hapësirës si subjekt privat. Sfida të fituara të dyja nga Elon Musk i cili tashmë përballet me një sfidë të re në një sektor që nuk e njeh shumë mirë. Bëhet fjalë për mosmarrëveshjen juridike të komplikuar që vazhdon prej kohësh në gjykatën e Delauer, shteti amerikan ku është regjistruar – për arsye fiskale – Twitter.

Ashtu si kërcënonte prej kohësh, Elon Musk ka vendosur të mos blejë më rrjetin social të San Franciskos. Ai akuzon Tuiter se ka fshehur ekzistencën e një numri të madh profilesh të rreme – më shumë se 5%, që shkaktoi dhe uljen e cmimit të blerjes në muajin prill, rënien në bursë dhe sidomos rënien e titujve teknologjikë: 54.2 dollarë për aksion. Aktualisht Tuiter vazhdon  të humbasë terren në Bursë, por dhe disa nga njerëzit më të mirë ndërsa konkurrenca po përpiqet t’i rrëmbejë kontrata reklamash.

Por arsyeja e profileve të rreme për t’u tërhequr nga blerja, konsidorehot shumë e dobët nga ekspertët. Anulimi i një marrëveshjeje – blerjeje të kësaj shkalle miratohet nga gjykata vetëm kur transaksioni paraqitet në një mënyrë thelbësisht të ndryshme nga ajo se si është paraqitur. Nëse adresat e profilet e rreme janë në fund, në vend të 5, 10 ose 15% të 330 milionë llogarive, siç spekulojnë ekspertët, gjyqtarët vështirë se do ta lejojnë Elon të tërhiqet. Do të ishte ndryshe nëse do të kishte shumë më tepër llogari false, qoftë edhe gjysma. Por ky do të ishte një tërmet për të gjithë botën e rrjeteve sociale: dyshimi për numrat jashtëzakonisht të fryrë të përdoruesve do të prekte të gjithë, nga Facebook në YouTube dhe Snapchat.

Musk, ka rënë dakord të paguajë një gjobë 1 miliard dollarë në rast të tërheqjes nga marrëveshja.

SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.