Emetimet, OKB: Jemi ende “jashtë piste”! – Nuk pritet reduktim i tyre deri në vitin 2030. Vetëm me 2%

Bota po ‘dështon të kontrollojë’ ndryshimet klimatike, sipas paralajmërimeve të OKB-së, pasi një vlerësim i premtimeve aktuale në mbrojtje të klimës tregon vetëm përparime të vogla në reduktimin e emetimeve këtë dekadë.

Në një raport të publikuar vetëm disa javë përpara negociatave të klimës, Organizata e Kombeve të Bashkuara tha se bota po dështon të veprojë me urgjencë të mjaftueshme për të frenuar emetimet e gazeve serrë.

Me rritjen e temperaturave të cilat kanë bërë që 2023-shi të bëhet viti më i ngrohtë deri më tani në historinë e njerëzimit, shkencëtarët thonë se presioni mbi liderët botërorë për të frenuar ndotjen e gazit serë nga ngrohja e planetit nuk ka qenë kurrë më urgjente.

OKB-ja zbuloi se planet e kombinuara të klimës nga gati 200 vende do ta vendosnin botën në një rrugë për emetimet e karbonit në vitin 2030 me vetëm 2 % nën nivelet e 2019-ës.

Kjo është shumë më pak se rënia prej 43 % që paneli i klimës i OKB-së thotë e konsideron të nevojshëm për të kufizuar ngrohjen nën objektivin e marrëveshjes së Parisit prej 1.5 gradë Celsius që nga epoka paraindustriale.

Shkencëtarët kanë paralajmëruar se njerëzimi është në mënyrë të rrezikshme afër tejkalimit të kufirit të ngrohjes globale prej 1.5 gradë Celsius, duke rrezikuar intensifikimin e ndikimeve të fenomeneve metereologjike.

Sekretari i përgjithshëm i OKB – së, Antonio Guterres theksoi se bota nuk po arrin të kontrollojë krizën klimatike dhe vendet nuk po vepronin aq shpejt sa për të shmangur katastrofën klimatike.

Sipas Marrëveshjes së Parisit të vitit 2015, vendeve u kërkohet të prezantojnë plane gjithnjë e më të thella të reduktimit të emetimeve, të njohura si Kontributet e Përcaktuara Kombëtare ose NDC.

Vlerësimi i fundit vjetor i OKB-së për këto plane përfshin 20 NDC të përditësuara të dorëzuara midis shtatorit 2022 dhe shtatorit 2023, duke përfshirë nga Meksika, Turqia, Norvegjia dhe Emiratet e Bashkuara Arabe.

Dorina Kurtaj / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.