Bankat në Kosovë ulin disa nga tarifat e shërbimeve, shkak rritja e konkurrencës dhe transparenca financiare
Bankat komerciale në Kosovë njoftojnë se kanë bërë ndryshime në çmimoret e tyre, duke ulur tarifat e disa shërbimeve të tyre që përdoren nga qytetarët dhe bizneset. Këto ndryshime po shihen si një hap pozitiv drejt uljes së kostove për qytetarët dhe nxitjes së përdorimit të shërbimeve financiare.
Ndër bankat që kanë publikuar çmimore të reja janë ProCredit Bank, TEB Bank dhe NLB Bank, të cilat kanë reflektuar ndryshime në tarifat e llogarive, pagesave, kartelave bankare dhe shërbimeve të tjera financiare.
Në një përgjigje me shkrim për Ekonomia Online, Banka Qendrore e Kosovës (BQK) ka sqaruar se tarifat bankare përcaktohen nga vetë bankat komerciale, ndërsa BQK mbikëqyr praktikat e tregut, transparencën dhe mënyrën e shpalosjes së tarifave ndaj klientëve.
BQK thekson se në Kosovë zbatohen parimet e tregut të lirë dhe se bankat operojnë në përputhje me legjislacionin në fuqi dhe se zhvillimet e fundit nuk tregojnë një fenomen të përgjithshëm të rritjes së tarifave bankare, por raste individuale të ndryshimeve të çmimeve, të shoqëruara edhe me ulje të tarifave nga disa banka.
“Fillimisht ju sqarojmë se tarifat bankare përcaktohen nga ana e bankave sipas metodologjive të tyre, të cilat i nënshtrohen nga aspekti i praktikave mbikëqyrjes së Bankës Qendrore të Republikës së Kosovës (BQK). Gjithashtu, në aspektin e transparencës, shpalosjes dhe aspekte tjera, janë nën monitorimin e BQK-së. Megjithatë, parimet e tregut të lirë janë të zbatuara për operimin dhe funksionimin e tyre sipas ligjeve në fuqi. Për dijeni, ju keni hasur në ulje tarifave të disa prej bankave, të paktën në tri prej tyre, njoftimet për të cilat i gjeni në publik, ku disa janë nga pjesa e parë e këtij viti, disa tjera kanë hyrë në fuqi nga muaji qershor. Pra, nuk kemi fenomen të quajtur të rritjes së tarifave, por raste individuale dhe në konkurrencë, krahas rasteve të uljes së tarifave, e disa prej bankave nuk i kanë ndryshuar ose vetëm i kanë përshtatur. Pra secili ka mundësi të një zgjidhjeje ndërmjet bankave dhe kohet e fundit edhe jo-bankave, dhe platforma për krahasim të tyre i vë në pah”, thuhet në përgjigjen e BQK-së.
Sipas BQK-së, tashmë qytetarët kanë më shumë mundësi të zgjedhin, jo vetëm ndërmjet bankave, por edhe përmes institucioneve financiare jobankare dhe ofruesve të shërbimeve të pagesave elektronike, të cilat kanë zgjeruar gamën e produkteve dhe shërbimeve të tyre.
“BQK kohëve të ka ndërmarrë një sërë iniciativash me qëllim të rritjes së konkurrencës në sektorin financiar, lehtësimit të qasjes së qytetarëve në Llogarinë e Pagesës me Shërbime Bazike, si dhe përmirësimit të transparencës përmes ofrimit të mundësive më të mira për krahasimin e produkteve dhe tarifave bankare. Po ashtu, institucionet financiare jobankare (IFJB) dhe institucionet e pagesave elektronike kanë zgjeruar gamën e produkteve dhe shërbimeve financiare, duke ofruar alternativa të reja dhe më konkurruese për qytetarët dhe bizneset. Këto masa synojnë fuqizimin e mbrojtjes së konsumatorëve dhe rritjen e përfshirjes financiare në vend, si dhe kanë rritur konkurrencën në treg”, vlerëson BQK.
Tutje, BQK njofton gjithashtu se tashmë është funksionalizuar Platforma për Krahasimin e Produkteve dhe Shërbimeve Financiare, një mekanizëm që synon t’u ofrojë qytetarëve informacion më të qartë dhe më të lehtë për krahasimin e ofertave financiare.
“Me qëllim të rritjes së transparencës dhe informimit të konsumatorëve, BQK ka miratuar rregulloren dhe ka vënë në funksion Platformën për Krahasimin e Produkteve dhe Shërbimeve Financiare: https://krahaso.bqk-kos.org/. Kjo platformë u mundëson qytetarëve të krahasojnë në mënyrë të lehtë produktet, shërbimet dhe tarifat e institucioneve financiare, duke i ndihmuar ata të marrin vendime më të informuara dhe më të favorshme për nevojat e tyre financiare, duke rritur transparencën dhe konkurrencën mes tyre”, thekson BQK.
Institucioni mbikëqyrës bën të ditur se ka avancuar edhe proceset e mbikëqyrjes lidhur me metodologjitë e vendosjes dhe publikimit të çmimeve të produkteve dhe shërbimeve financiare, ndërsa është në fazën përfundimtare të miratimit të një kornize të re rregullative.
“Përveç këtyre të thëna më lart, në kuadër të proceseve të mbikëqyrjes dhe avancimit të praktikave te tregut, BQK ka avancuar mbikëqyrjen ne aspektin e metodologjive të vendosjes dhe shpalosjes së çmimeve të produkteve dhe shërbimeve financiare përmes strukturës së veçantë mbikëqyrëse, ndërsa është në fazën përfundimtare të miratimit të kornizës rregullative të avancuar në këtë drejtim, që përfshin mënyrën e njoftimit, shpalosjes, publikimit dhe transparencës së produkteve ndaj publikut, e që edhe me tej do të kontribuojë në këto objektiva”, përfundon përgjigja e BQK-së për Ekonomia Online.
Zhvillimet e fundit në sektorin bankar po shihen si tregues i një tregu gjithnjë e më konkurrues, ku fokusi po zhvendoset drejt ofrimit të shërbimeve më të përballueshme, më transparente dhe më të përshtatura me nevojat e qytetarëve dhe bizneseve.
Shqiptarët kursejnë 84 milionë euro nga rivlerësimi, buxheti arkëton 40 milionë euro vetëm në dy muaj
Afro 84 milionë euro u janë kursyer qytetarëve shqiptarë nga reduktimi i tarifave tatimore të pasurive të paluajtshme falë rivlerësimit. Sipas të dhënave të......
Ibrahimaj: Mekanizmi i ri për shqyrtimin e investimeve të huaja forcon sigurinë ekonomike dhe besimin e investitorëve
Ministrja e Ekonomisë dhe Inovacionit, Delina Ibrahimaj, mori pjesë në aktivitetin “Albania’s Foreign Direct Investment Screening Framework”, organizuar nga......
Reforma në sektorin elektroenergjetik - Nis shqyrtimi i ligjit në Kuvend, Muçaj: Efekti financiar në buxhet, 1.9 mln euro
Përshtatja e tregut shqiptar me zhvillimet e reja teknologjike dhe kuadrin ligjor të Bashkimit Evropian është në fokus të projektligjit “Për sektorin e......
Ç’ndodh nëse bizneset nuk plotësojnë certifikimet e BE? - Bajraktari: Integrimi do të nxjerrë jashtë loje sipërmarrjet që nuk formalizohen
Tregu shqiptar po përballet me një udhëkryq të rëndësishëm sa i përket formalizimit dhe përshtatjes me rregullat e Bashkimit Evropian. Për një pjesë të madhe......
Shqiptarët mbeten të “lidhur” me rrjetet sociale/ Platformat rikthejnë rritjen dhe vazhdojnë të dominojnë komunikimin online
Rrjetet sociale vijojnë të luajnë një rol të rëndësishëm në jetën e përditshme të shqiptarëve, duke u përdorur për komunikim, argëtim, informim dhe gjithnjë......
Ministrja Sala: Nis konsultimi për krijimin e Institutit Onkologjik Kombëtar
Ministrja e Shëndetësisë dhe Mirëqenies Sociale, prof. Evis Sala, mori pjesë në tryezën e diskutimit të organizuar nga Dhoma Amerikane e Tregtisë, ku......
Falja e detyrimeve tatimore, bizneset 15 ditë për afatin e parë - 30 Qershori, data e fundi edhe për pagesat e paqes fiskale
Bizneset që duan të përfitojnë nga ligji i faljes fiskale kanë edhe 15 ditë afat për të “shpëtuar” gjysmën e detyrimit tatimor që kanë për të paguar. Sipas......
Shqiptarët investojnë më pak jashtë vendit/ Tkurrin kapitalin e eksportuar, 55.4 milionë euro në tre muajt e parë
Investimet direkte të rezidentëve shqiptarë jashtë vendit ranë në 55.4 milionë euro gjatë tremujorit të parë të vitit 2026, sipas të dhënave të Bilancit të......
