Hoxha në Bullgari: Zgjerimi i BE-së është investim strategjik, Shqipëria synon anëtarësimin në vitin 2030”
Ministri për Evropën dhe Punët e Jashtme, Ferit Hoxha, gjatë një vizite në Bullgari, mori pjesë në një panel diskutimi të organizuar nga European Council on Foreign Relations (ECFR), ku u trajtua perspektiva e zgjerimit të Bashkimit Evropian në Ballkanin Perëndimor.
Gjatë diskutimit, ministri Hoxha theksoi rëndësinë që ka marrë procesi i zgjerimit të BE-së në kushtet e një mjedisi gjeopolitik gjithnjë e më kompleks, duke nënvizuar se integrimi i vendeve të Ballkanit Perëndimor është tashmë një domosdoshmëri strategjike për vetë Bashkimin Evropian.
“Në kontekstin e sotëm strategjik, zgjerimi nuk shihet më vetëm si një politikë transformimi. Ai është shndërruar në një investim strategjik për sigurinë, stabilitetin, konkurrueshmërinë dhe qëndrueshmërinë afatgjatë të BE-së”, u shpreh Hoxha.
Sipas tij, zhvillimet e viteve të fundit kanë dëshmuar se një Evropë më e fortë dhe më e bashkuar nuk mund të realizohet plotësisht pa integrimin e Ballkanit Perëndimor në Bashkimin Evropian.
Ministri vuri në dukje se procesi i anëtarësimit të Shqipërisë në BE nuk është thjesht një objektiv i politikës së jashtme, por një aspiratë kombëtare që gëzon mbështetje të gjerë politike dhe shoqërore. Ai theksoi se rrugëtimi evropian i vendit pasqyron transformimin e institucioneve dhe zgjedhjen strategjike të shqiptarëve për të ardhmen.
Hoxha nënvizoi gjithashtu se një proces zgjerimi i besueshëm dhe i bazuar në meritë është në interes të përbashkët si për vendet kandidate, ashtu edhe për Bashkimin Evropian. “Shqipëria mbetet plotësisht e angazhuar për të ruajtur ritmin aktual, për të përshpejtuar reformat dhe për të avancuar me vendosmëri në procesin e negociatave”, deklaroi ministri.
Ai ritheksoi objektivin e qeverisë shqiptare për përmbylljen e negociatave të anëtarësimit deri në vitin 2027 dhe anëtarësimin e plotë të vendit në Bashkimin Evropian deri në vitin 2030. Në përfundim të fjalës së tij, ministri Hoxha shprehu mirënjohjen ndaj ECFR-së dhe pjesëmarrësve për shkëmbimin e ideve dhe diskutimin mbi të ardhmen evropiane të rajonit.
Qeveria miraton Planin Kombëtar për Personat me Aftësi të Kufizuara: 68 masa dhe 7.6 miliardë lekë investime deri në 2030
Këshilli i Ministrave ka miratuar Planin Kombëtar të Veprimit për Personat me Aftësi të Kufizuara 2026–2030, një dokument strategjik që synon të forcojë......
Industria kërkon punonjës të kualifikuar - Arsimi profesional, hallka që duhet të mbështesë prodhimin vendas
Një industri më moderne kërkon jo vetëm investime në teknologji dhe financim, por edhe punonjës të kualifikuar. Pikërisht fuqia punëtore konsiderohet një......
Transporti i mallrave, drejt dokumentacionit elektronik - Drafti: “Letra” do të zëvendësohen me informacionin digjital deri në vitin 2029
Kwshilli i Ministrave ka miratuar projektligjin “Për informacionin elektronik të transportit të mallrave”, i cili synon të digjitalizojë dokumentacionin......
Tregu i punës lë pas të rinjtë/ Punësimi i tyre ka rënë në 42.8%, ndërsa papunësia është rritur në 16.9%
Punësimi i të rinjve vijon të mbetet një nga sfidat më të mëdha të tregut të punës në Shqipëri. Të dhënat më të fundit të publikuara nga Instituti i......
Dollari amerikan humbet pikë – Forcohen Franga dhe Paundi
Dollari amerikan ka regjistruar rënie të vlerës pasi e nisi këtë javë pozitivisht duke fituar pikë në mënyrë konstante deri më sot teksa është blerë këtë......
400 milionë euro investime të huaja në fillim të vitit/ Flukset u rritën me 11.8% në tremujorin e parë, prekin rekord historik
Investimet e huaja direkte në Shqipëri vijuan rritjen edhe në tremujorin e parë të vitit 2026, duke shënuar nivelin më të lartë të regjistruar ndonjëherë për......
Janar- maj, mbi 38 mijë mjete ‘ngelin’ në kontroll teknik - DPSHTRR: Janë çregjistruar 4.109 mjete me moshë mesatare 22 vjeçare
Drejtoria e Përgjithshme e Shërbimeve të Transportit Rrugor ka publikuar të dhënat mbi ecurinë e kontrollit teknik të mjeteve për periudhën janar–maj 2026,......
Rekordet turistike të Kosovës - Mbi 1.6 milion net-qëndrime, mbi 762 mijë vizitorë
Sektori i turizmit në Kosovë ka njohur një trend rritës gjatë vitit 2025. Sipas të dhënave të publikuara në kuadër të hulumtimit të Hotelerisë dhe Turizmit,......
