Investim britanik prej 1.6 milionë paund për sigurinë kufitare - Modernizohen 11 pika doganore në Shqipëri
Ministri i Financave, Petrit Malaj, së bashku me Drejtorin e Përgjithshëm të Doganave, Besmir Beja, dhe Ambasadorin e Mbretërisë së Bashkuar në Shqipëri, Nicholas Abbott, inspektuan nga afër investimet e reja të realizuara në Degën Doganore të Bllatës për modernizimin e sistemeve të monitorimit dhe kontrollit kufitar.
Gjatë vizitës, ministri Malaj theksoi rëndësinë e mbështetjes britanike në forcimin e kapaciteteve të administratës doganore dhe rritjen e sigurisë në pikat e kalimit kufitar.
“Ky është një investim i rëndësishëm i financuar nga Mbretëria e Bashkuar përmes Home Office, i cili shtrihet në 11 pika doganore në vend dhe ka një vlerë prej 1.6 milionë paundësh. Projekti kontribuon drejtpërdrejt në modernizimin e infrastrukturës së kontrollit kufitar dhe në përmirësimin e standardeve të sigurisë”, deklaroi Malaj.
Sipas autoriteteve doganore, projekti ka sjellë një avancim të ndjeshëm teknologjik në monitorimin e lëvizjeve në kufi. Drejtori i Përgjithshëm i Doganave, Besmir Beja, bëri të ditur se në kuadër të kësaj nisme janë instaluar 121 kamera të teknologjisë së avancuar në pika të ndryshme kufitare.
“Falë këtij investimi kemi rritur ndjeshëm kapacitetet tona operacionale. Sistemet e reja na mundësojnë monitorim më efikas të lëvizjeve kufitare, duke garantuar njëkohësisht siguri më të lartë dhe procedura më të shpejta për qytetarët dhe bizneset”, u shpreh Beja.
Nga ana e tij, ambasadori britanik Nicholas Abbott e cilësoi projektin si një dëshmi konkrete të bashkëpunimit të ngushtë mes Shqipërisë dhe Mbretërisë së Bashkuar në fushën e sigurisë kufitare dhe luftës kundër aktiviteteve të paligjshme.
“Kjo nismë përfaqëson një shembull të suksesshëm të partneritetit mes dy vendeve tona. Rezultatet e deritanishme tregojnë se bashkëpunimi ynë po jep efekte konkrete në forcimin e kontrollit kufitar dhe rritjen e kapaciteteve institucionale”, tha Abbott.
Projekti është realizuar në bashkëpunim me institucionet britanike Home Office International Operations dhe HM Revenue & Customs (HMRC). Përveç sistemeve moderne të kamerave, ai përfshin edhe teknologjinë e leximit automatik të targave, e cila ndihmon në identifikimin e mjeteve me risk të lartë dhe në monitorimin më efektiv të lëvizjeve ndërkufitare.
Sipas autoriteteve, teknologjitë e reja do të kontribuojnë në luftën kundër trafikut të paligjshëm, kontrabandës dhe rasteve të transportit të parave të padeklaruara, duke forcuar më tej sigurinë në kufijtë e Shqipërisë dhe bashkëpunimin me partnerët ndërkombëtarë.
“Kapitujt 11,12 dhe 13, më sfiduesit” - Zv.ministrat e Bujqësisë raportojnë ecurinë e negociatave
Në Komisionin për Evropën dhe Punët e jashtme është diskutuar ecuria e negociatave për kapitujt 11, 12 dhe 13, që lidhen me bujqësinë, sigurinë ushqimore dhe......
Nga strategjia te zbatimi, sfida e industrisë shqiptare - Konkurrueshmëria, Zekja: Duhet paketë konkrete për biznesin
Rritja e industrisë përpunuese dhe kalimi drejt një modeli me më shumë vlerë të shtuar shihet si një nga objektivat kryesore të Strategjisë Kombëtare......
Lejet mjedisore, detyrime të reja për bizneset - Kërkesa për monitorimin dhe auditimi, kosto shtesë për industrinë dhe shtetin
Ministria e Mjedisit ka nxjerrë për konsultim publik ndryshimet në ligjin “Për lejet e mjedisit”, duke vendosur standarde më të rrepta për kontrollin e......
Më pak kërkues shkencorë në Shqipëri/ Universitetet publike mbeten zgjedhja kryesore, femrat kryesojnë numrin
Sipas të dhënave të publikuara nga INSTAT, numri i studentëve që diplomohen në programet e doktoraturës në Shqipëri mbetet në nivele të ulëta, pavarësisht......
Eksportet shqiptare, Italia humbet terren/ Kosova dhe Gjermania fitojnë peshë ndaj totalit në 4 muajt e parë të vitit
Struktura e eksporteve shqiptare ka pësuar ndryshime gjatë katërmujorit të parë të vitit 2026, duke treguar një zgjerim të tregjeve partnere dhe një ulje......
Pajisjet inteligjente po transformojnë diagnostikimin - Dika: IA mund të mbështesë edhe kirurgjinë
Inteligjenca artificiale po bëhet gjithnjë e më e pranishme në sistemet shëndetësore në mbarë botën. Teknologjia e avancuar po përdoret për të ndihmuar......
Amnistia penale pritet të lirojë rreth 10% të të burgosurve - Gogu: Më shumë mundësi për rehabilitim
Ministri i Drejtësisë, Toni Gogu, prezantoi në Komisionin për Çështjet Ligjore dhe Administratën Publike projektligjin e ri “Për dhënie amnistie”, duke......
Nis projekti EU4FoodSafety: 13.5 milionë euro për forcimin e sigurisë ushqimore në Shqipëri
Në Ditën Botërore të Sigurisë Ushqimore u prezantua në Tiranë projekti EU4FoodSafety, një iniciativë e re që synon përmirësimin e standardeve të sigurisë......
