Mbi 159 mijë mjete të kontrolluara në pesë muaj - DPSHTRR: Autoveturat dominojnë testimet teknike
Drejtoria e Përgjithshme e Shërbimeve të Transportit Rrugor ka publikuar bilancin e kontrollit teknik të mjeteve për periudhën janar-maj 2026, duke evidentuar një numër të lartë automjetesh që i janë nënshtruar procesit të verifikimit teknik në të gjithë vendin.
Sipas të dhënave nga DPSHTRR, gjatë pesë muajve të parë të këtij viti janë testuar gjithsej 159 mijë e 780 mjete pranë qendrave të kontrollit teknik. Pjesën dërrmuese të tyre e përbëjnë automjetet e kategorisë 4+1 dhe 8+1 vende, të cilat regjistrojnë 141 mijë e 59 testime, ose 88.3% të totalit. Kjo tregon se automjetet e përdorura për transportin individual dhe familjar vijojnë të dominojnë flotën e mjeteve, që i nënshtrohen kontrollit teknik periodik.
Pas tyre renditen kamionët me 8 mijë e 475 mjete të testuara, që përfaqësojnë 5.3% të totalit. Ndërkohë, motomjetet zënë 4.7% të testimeve, me 7 mijë e 450 mjete të kontrolluara gjatë kësaj periudhe.
Të dhënat tregojnë gjithashtu se janë kryer kontrolle teknike për 1 mijë e 638 autobusë, ose rreth 1% të totalit. Ndërsa përfshihen edhe kategoritë e tjera, 609 rimorkio dhe 549 mjete ndërtimi apo punimi toke, të cilat së bashku përbëjnë më pak se 1% të mjeteve të testuara.
Kontrolli teknik konsiderohet një nga elementët kryesorë për garantimin e sigurisë rrugore, pasi verifikon gjendjen teknike të mjeteve me standardet e kërkuara për qarkullim.
Sipas Drejtorisë së Përgjihshme të Shërbimeve të Transportit Rrugor, automjetet e përdorura për transportin individual dhe familjar mbeten kategoria kryesore që paraqitet për kontroll teknik, ndërsa mjetet e transportit të mallrave dhe kategoritë e tjera përbëjnë një pjesë më të vogël të totalit të testimeve të realizuara gjatë periudhës janar- maj 2026.
Tirana Grand Prix, gara e makinave retro në kryeqytet - Drejtori i DPSHTRR, Bajraktari: Synojmë promovimin e trashëgimisë automobilistike
Është zhvilluar për të tretin vit radhazi Tirana Grand Prix, eventi më i madh në Shqipëri dedikuar automjeteve historike RETRO. Ky aktivitet u organizua nga......
‘Financim deri në 200 mijë lekë’ - Skema Kombëtare 2026 mbështet ripopullimin e ujërave me peshk!
Subjektet që ushtrojnë aktivitet në fushën e akuakulturës do të kenë edhe këtë vit mundësinë të përfitojnë mbështetje financiare për ripopullimin e ujërave......
Forcohet Dollari amerikan – Franga dhe Euro e nisin javën negativisht
Dollari amerikan e ka nisur këtë javë pozitivisht pasi ka regjistruar rritje të lehtë të vlerës gjatë fundjavës teksa është blerë mëngjesin e sotëm me 81.8......
Inflacioni po i tejkalon rritjet e pagave - Ku po humbasin më shumë punëtorët në Evropë?
Çmimet po rriten përsëri në të gjithë Evropën, por pagat nuk po e mbajnë këtë ritëm. Inflacioni në BE arriti në 3.2% në prill 2026, niveli më i lartë që nga......
Çmimet e naftës rriten me mbi 4 dollarë - Izraeli sulmon me raketa Iranin dhe Libanin
Çmimet e naftës u rritën me më shumë se 4 dollarë të hënën, me investitorët e trembur nga sulmet e reja izraelite ndaj Iranit, si dhe nga sulmet ndaj Libanit......
Linjat ajrore globale përballen me krizë të rëndë kostosh - Kriza në Lindjen e Mesme ka shtrenjtuar karburantin
Linjat ajrore globale po përballen me një krizë të rëndë kostosh, ndërsa përshkallëzimi i tensioneve gjeopolitike dhe konflikteve në Lindjen e Mesme ka......
Zgjedhjet në Kosovë kushtuan 10,9 mln euro - Për dy zgjedhjet e fundit të parakohëshme u shpenzuan mbi 18 mln euro
Ndërsa partitë politike po kryejnë llogaritë për koalicionet e mundshme pas zgjedhjeve të përgjithshme të parakohëshme në Kosovë, buxheti i shtetit bën......
Albin Kurti fiton zgjedhjet në Kosovë - I duhet një koalicion për të qeverisur vendin
Zgjedhjet e parakohshme parlamentare të së dielës nuk kanë ndryshuar renditjen e forcave politike në Kosovë, por kanë sjellë lëvizje në mbështetjen......
