Mishi shqiptar ka katër "kryeqytete"/ Fieri dominon në total. Korça, Vlora dhe Lezha udhëheqin sipas kategorive
Shqipëria prodhoi 133.6 mijë tonë mish në peshë të gjallë gjatë vitit 2025, duke shënuar një rritje të lehtë krahasuar me vitin e kaluar. Megjithatë, rikuperimi nuk ka qenë i mjaftueshëm për të kthyer prodhimin në nivelet që kishte vetëm pak vite më parë.
Të dhënat e INSTAT tregojnë se prodhimi vendas u rrit me rreth 3 mijë tonë krahasuar me vitin 2024. Megjithatë, krahasuar me vitin 2018, kur u regjistrua niveli më i lartë historik prej mbi 161 mijë tonësh, prodhimi është ende më i ulët me afro 28 mijë tonë, ose rreth 17%.
Kjo do të thotë se, pas një periudhe rritjeje pothuajse të pandërprerë nga mesi i viteve 2000 deri në vitin 2018, sektori i prodhimit të mishit ka hyrë në një fazë ngadalësimi. Në pesë vitet e fundit prodhimi ka mbetur dukshëm nën kulmin e arritur para pandemisë, megjithëse viti 2025 shënoi një kthesë të lehtë pozitive.
Edhe struktura e prodhimit tregon një specializim të qartë rajonal.
Fieri mbetet qarku me prodhimin më të madh të mishit në vend, me 26.2 mijë tonë, ose pothuajse një të pestën e totalit kombëtar. Megjithatë, epërsia e tij lidhet kryesisht me prodhimin e mishit të shpendëve, ku qarku prodhon 9.5 mijë tonë, nivel dukshëm më i lartë se çdo qark tjetër.
Ndërkohë, Korça kryeson në prodhimin e mishit të gjedhit, me 7.2 mijë tonë, duke reflektuar traditën e zonës në rritjen e gjedhëve. Vlora mban vendin e parë si për mishin e deleve ashtu edhe për atë të dhive, falë peshës së madhe të blegtorisë në zonat malore dhe kodrinore. Në prodhimin e mishit të derrit, lider është Lezha, me mbi 4 mijë tonë, ose rreth 40% të prodhimit kombëtar të kësaj kategorie.
Megjithëse prodhimi vendas ka shënuar një rritje të lehtë gjatë vitit 2025, tregu shqiptar vijon të mbështetet në importe. Sipas të dhënave të INSTAT, gjatë vitit të kaluar u importuan mish dhe të brendshme të ngrënshme me një vlerë prej 8.16 miliardë lekësh. Pas rënies së importeve gjatë viteve 2016-2020, vlera e tyre është rikthyer mbi nivelin e 8 miliardë lekëve dhe ka mbetur pothuajse e pandryshuar gjatë tre viteve të fundit.
103 mijë vizitorë në 2025, Bënja po kthehet në destinacion ndërkombëtar turistik
Bënja po transformohet në një destinacion ndërkombëtar turistik, përmes një projekti rehabilitimi që synon përmirësimin e infrastrukturës dhe ruajtjen e......
Gdańsk, Poloni - Kryeministri Edi Rama takim me Kryeministren e Ukrainës, Yuliia Svyrydenko
Në kuadër të Konferencës për Rindërtimin e Ukrainës, mbi forcimin e bashkëpunimit dhe mbështetjen për rindërtimin dhe të ardhmen europiane të Ukrainës, që u......
Shqipëri-Qipro, ministri Hoxha: Po forcojmë lidhjet ekonomike në interes të ndërsjellë
Ministri për Evropën dhe Punët e Jashtme Ferit Hoxha zhvilloi një vizitë zyrtare në Nikozia të Qipros. Kjo vizitë sipas ministrit, mbart një rëndësi të......
Koçiu në Elbasan, inspekton punimet në parkun rekreativ dhe sportiv për gjithë grupmoshati
Zëvendëskryeministrja Albana Koçiu ka inspektuar nga afër punimet në zonën sportive dhe të lodrave për fëmijë në Elbasan ku nga një repart ish ushtarak i......
Presidenti i ICIC, Besnik Dervishi: Kosova forcon rolin e saj në zhvillimin e standardeve ndërkombëtare të transparencës
Presidenti i Konferencës Ndërkombëtare të Komisionerëve për të Drejtën e Informimit dhe Aksesin në Informacion (ICIC), njëherazi Komisioner për të Drejtën e......
Më shumë lituanezë, danezë dhe indianë në Shqipëri/ Mbi 1.1 milionë hyrje në maj, zgjerohen flukset nga tregje të reja europiane
Maji solli një tjetër rritje të hyrjeve të shtetasve të huaj në Shqipëri, por përtej rritjes së përgjithshme, të dhënat tregojnë se po zgjerohet gradualisht......
Nënstacioni elektrik nëntokësor në Tiranë - Kredia 22.5 mln euro diskutohet në Kuvend, Bilali: Furnizim për institucionet kritike
Komisioni parlamentar i Ligjeve miratoi marrëveshjen e garancisë për kredinë 22.5 mln euro që do të financojë ndërtimin e nënstacionit nëntokësor 110/20 kV......
“Rindërtimi i Ukrainës jo bamirësi, por strategji” Rama: Duhet një angazhim i fortë europian
Kryeministri Rama mori pjesë sot në Konferencën për Rindërtimin e Ukrainës, e cila zhvillohet me pjesëmarrjen e kryetarëve të shteteve dhe qeverive,......
