FED sinjalizon tre ulje të interesave në 2024 – Powell: Këtë herë, lufta kundër inflacionit ishte e ndryshme

Shefi i Rezervës Federale, Jerome Poëell, deklaroi të mërkurën se kushtet unike ekonomike të krijuara nga pandemia Covid-19 kanë ndihmuar përpjekjen e bankës qendrore për të ulur inflacionin pa shkaktuar një recesion, një arritje e rrallë në historinë ekonomike të SHBA. Rezerva Federale sinjalizoi në projeksionet e saj të fundit ekonomike se do të ulë normat e interesit në 2024 edhe me ekonominë ende në rritje, e cila potencialisht do të ishte në rrugën e një recesioni të butë, që shumë ekonomistë e panë me skepticizëm, kur banka qendrore filloi të rriste në mënyrë agresive normat e interesit vitin e kaluar, për të luftuar inflacionin pas pandemisë.

“Ky inflacion nuk ishte një rritje klasike e kërkesës. Ishte një kombinim i kërkesës shumë të fortë dhe kufizimeve të pazakonta nga ana e ofertës, si në kahun e mallrave, por edhe në kahun e punës, sepse patëm një ‘shok” të krahut të punës”, tha Powell në konferencë për shtyp, pas takimit të fundit të vitit. Rezerva Federale e ka parë luftën kundër inflacionit si një betejë me dy fronte. Në njërën anë ishte përpjekja për të dobësuar kërkesën në ekonomi, ndërsa kurba vertikale e ofertës ishte normalizuar. Tashmë pjesët kryesore të ofertës në ekonomi po i afrohet niveleve ku ishin përpara pandemisë.

Gjendja e ekonomisë amerikane aktualisht është e ngjashme me mënyrën se si Powell dhe anëtarët e tjerë të Fed e përshkruan situatën e inflacionit në vitin 2021, duke thënë se rritja e shpejtë e çmimeve do të jetë kalimtare. Bankierët qendrorë iu larguan kësaj narrative, ndërsa inflacioni u përshpejtua dhe më pas filluan të rrisin në mënyrë agresive normat e interesit, në mars 2022. Që nga ajo kohë, Rezerva Federale e ka rritur normën bazë të interesit me më shumë se 5 pikë përqindjeje. Ndërsa shumë analistë në Ëall Street parashikonin një recesion gjatë vitit 2023, ekonomia amerikane u shfaq çuditërisht shumë elastike.

Edhe tregu i aksioneve është rritur ndjeshëm, pas shitjeve masive të vitit 2022, me indeksin Doë Jones që preku nivelin më të lartë në histori të mërkurën.

Edhe pse Powell tha se ekonomia e SHBA-së është ngadalësuar ndjeshëm në muajt e fundit, Rezerva Federale ende parashikon që Prodhimi i Brendshëm Bruto të rritet me 1.4% vitin e ardhshëm. Për sa i përket normave të interesit, Rezerva Federale i mbajti të pandryshuara në intervalin nga 5.25%-5.5% dhe sinjalizoi të paktën tre ulje në vitin 2024.

Tregjet e kishin parashikuar gjerësisht vendimin për të qëndruar në vend, i cili mund t’i japë fund një cikli prej 11 rritje me radhë, duke e shtyrë normën e fondeve në nivelin më të lartë në më shumë se 22 vjet. Megjithatë, kishte pasiguri se sa ambicioze mund të ishte banka qendrore në lidhje me lehtësimin e politikave. Pas publikimit të vendimeve, indeksi Dow Jones u rrit me më shumë se 400 pikë, duke tejkaluar nivelin e 37,000 pikëve, për herë të parë në histori. Gjithashtu, Powell sinjalizoi edhe katër ulje të tjera gjatë vitit 2025, ose 1 pikë përqindje të plotë. Tre reduktime të tjera në vitin 2026 do ta çonin normën bazë të interesit në intervalin 2%-2.25%, afër perspektivës afatgjatë.

Në konferencën për mediat, Powell tha: “Treguesit e fundit sugjerojnë se rritja e aktivitetit ekonomik është ngadalësuar ndjeshëm, krahasuar me ritmin e jashtëzakonshëm në tremujorin e tretë të vitit. Megjithatë, Prodhimi i Brendshëm Bruto është në rrugën e duhur për t’u zgjeruar me rreth 2.5% për vitin 2023.

Lidion Kulla / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.