G7, thirrje për shfuqizimin e menjëhershëm të ndalimeve për ushqimet japoneze, duke i bërë presion Kinës!

Grupi i Shtatë, ose G7, fuqitë industriale bëri thirrje të dielën për “shfuqizimin e menjëhershëm” të kufizimeve të importit të produkteve ushqimore japoneze, një referencë ndaj kufizimeve të Kinës pasi Japonia filloi të lëshonte ujërat e zeza nga termocentrali bërthamor i Fukushimës. Ministrat e tregtisë së G7, në një deklaratë pas një takimi të fundjavës në Osaka, nuk përmendën Kinën, por ata denoncuan gjithashtu atë që ata e konsiderojnë rritjen e shtrëngimit ekonomik nëpërmjet tregtisë.

Kina pezulloi importet e peshkut japonez dy muaj më parë, kur Japonia filloi lëshimin e ujit radioaktiv të trajtuar nga uzina e shkatërruar në Fukushima në Paqësor. Ndërsa Japonia dhe SHBA-ja i kanë quajtur kufizimet të padrejta, Rusia njoftoi një kufizim të ngjashëm në fillim të këtij muaji.

Si përgjigje, Kina e përshkroi lëvizjen e G7 si “shtrëngim ekonomik” dhe i kërkoi G7-ës të mos “përmbahet me kokëfortësi ndaj standardeve të dyfishta”, por të ndërmarrë veprime praktike për të ruajtur rendin normal të tregtisë dhe investimeve ndërkombëtare. G7, Shtetet e Bashkuara, Japonia, Gjermania, Britania, Franca, Italia dhe Kanadaja shprehën “shqetësim” për masat e fundit të kontrollit mbi eksportin e mineraleve kritike.

Kina, prodhuesi më i madh në botë i grafitit, këtë muaj njoftoi kufizime të eksportit për materialin kryesor, të përdorur në bateritë e automjeteve elektrike, në një përpjekje tjetër për të kontrolluar furnizimin me minerale kritike në përgjigje të sfidave mbi dominimin e saj global të prodhimit. Ministrat e G7 “ndanë nevojën, vërtet të fortë, për të reduktuar varësinë nga një vend i caktuar” për furnizimin e burimeve kritike, tha Yasutoshi Nishimura, ministër i tregtisë i Japonisë mikpritëse.

Ministrat riafirmuan shqetësimet e tyre për “një gamë të gjerë dhe në zhvillim të politikave jo të tregut” që përfshijnë “subvencione industriale të përhapura, të errëta dhe deformuese ndaj tregtisë” dhe transferimin e detyruar të teknologjisë, thuhet në deklaratë. Sa i përket Rusisë, zyrtarët e G7 dënuan shkatërrimin e saj të infrastrukturës së eksportit të grurit ukrainas në pushtimin e saj të vendit dhe vendimin e Moskës për të lënë “në mënyrë të njëanshme” bisedimet për një marrëveshje që i kishte lejuar gjigantit të drithërave Ukrainës të eksportonte grurë dhe produkte të tjera përmes Detit të Zi.

Edel Strazimiri / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.