Gjermania blen 50 miliardë euro gaz nga Norvegjia – 10 miliardë metër kub çdo vit, duke filluar nga 1 janari 2024

Gjermania siguroi 1/3 e nevojave të saj për gaz natyror përmes marrëveshjes së nënshkruar nga kompania gjermane e energjisë ‘Sefe’ me kompaninë e gazit natyror ‘Equinor’ të Norvegjisë. Kjo është një marrëveshje për furnizimin me gaz natyror me vlerë 50 miliardë euro dhe është një hap i madh për ekonominë kryesore europiane në procesin e zëvendësimit të gazit rus.

Siç theksohet në njoftimin e përbashkët të dy kompanive, marrëveshja parashikon furnizimin me 10 miliardë metër kub gaz natyror në vit, duke filluar nga 1 janari 2024 dhe për një dekadë, duke lënë të hapur mundësinë e zgjatjes së tij edhe për pesë vite të tjera me furnizim prej 20 miliardë metër kub.

‘Equinor theksoi se 10 miliardë metër kub gaz që do të jetë në dispozicion të ekonomisë më të madhe europiane përfaqëson 12.5% ​​të 80 miliardë metra kub gaz që ajo kontrollon dhe promovon në treg. Gjysma e kësaj vjen nga kompania shtetërore norvegjeze e gazit. “Equinor”, theksoi se kjo është një nga kontratat më të mëdha që kompania norvegjeze ka nënshkruar ndonjëherë.

Norvegjia ka qenë furnizuesi më i rëndësishëm i Gjermanisë me gaz natyror që kur Rusia ndërpreu flukset e karburantit në gusht 2022. Aktualisht vendi nordik përbën rreth 40% deri në 50% të importeve të gazit natyror të Gjermanisë.

Nga pikëpamja energjetike, megjithatë, BE është në një pozicion shumë më të sigurt se sa ishte dimri i kaluar, pasi çmimet e energjisë kanë rënë, vendet anëtare kanë siguruar furnizues alternativë dhe kryesisht kanë hequr dorë nga gazi rus dhe mbi të gjitha, magazinat e tyre janë plot.

Dorina Kurtaj / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.