Google mbush 25 vjeç! – “E keqja e domosdoshme” e teknologjisë së përditshmërisë
Përdorimi i algoritmeve nga gjigandi i motorëve të kërkimit Google për të fuqizuar motorin e tij të kërkimit, rezultoi të ishte një transformim në industri duke e vendosur atë mbi paraardhësit dhe konkurrentët e tij në atë kohë. Kështu deklaroi një ekspert i fushës, Paul Duguid, në rastin e 25-vjetorit të krijimit të kompanisë.
Google e Alphabet shënon ditëlindjen e saj të 25-të këtë të mërkurë të 27 shtatorit, një arritje që Duguid thotë se ilustron suksesin e kompanisë në ndryshimet e vazhdueshme për të mbijetuar dhe lulëzuar në industrinë e teknologjisë. Duguid është një asistent profesor në Shkollën e Informacionit në Universitetin e Kalifornisë-Berkeley.
Sipas tij Yahoo! – i cili ishte me të vërtetë motori dominues i kërkimit përpara daljes në skenë të Google, ende përdorte në disa mënyra mënyra shumë konvencionale për të organizuar informacionin që kërkohej. Kjo sepse përdorte njerëz të ulur atje pothuajse si lloj bibliotekarësh që përpunonin të dhënat e kategorive të ndryshme. Google e shmangu këtë mënyrë duke e zëvendësuar me algoritëm. Dhe pikërisht ky ishte transformim që duhej.
Përdorimi i Google në shoqëri u përhap me shpejtësi, duke zhvilluar një platformë të domosdoshme që ekziston dhe sot. Njerëzit përdorin Google për të parë të dhënat e motit gjatë ditës, për të gjetur restorante dhe për të bërë rezervime, për të organizuar oraret e tyre, për të shkruar esetë e tyre të kolegjit, për të blerë duke përdorur tregtinë elektronike dhe sigurisht për të kërkuar informacion.
Reklamimi që vjen me ato kërkime, megjithatë, është shqetësues për Duguid, së bashku me disa praktika të tjera.
Sipas tij kjo u bë e dukshme sepse erdhi së bashku me faqen, dhe askush nuk mund ta shmangte. Por më pas mbledhja e të dhënave që si u kuptua me kohën po zgjerohje gjithnjë e më shumë, dhe mënyra si përdoreshin këto të dhëna u bënë shqetësuese. Kjo pasi informacionet e kërkuara nga përdoruesit lidheshin me reklama që në një mënyrë ose tjetrën lidhen me identitetin e secilit prej tyre.
Dorina Kurtaj /SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.