Greqia rrit taksën turistike – Qeveria pret të ardhura prej 600 milionë euro

Nëse planifikoni të vizitoni Greqinë këtë vit, përgatituni të paguani. Për të përfituar nga ajo që pritet të ketë hyrje rekord turistësh këtë vit dhe për të ndihmuar në pagesën e kostove të zjarreve në pyje dhe përmbytjeve nga viti i kaluar, qeveria greke ka vendosur një taksë të re për turistët për vitin 2024.

Qeveria shpreson të përdorë rritjen modeste të taksave për të ndihmuar në financimin e përpjekjeve të rimëkëmbjes. Kryeministri grek Kyriakos Mitsotakis e bëri njoftimin në një panair të turizmit.

Kjo taksë e re do të zëvendësojë pjesërisht taksën e vjetër dhe do të ndryshojë në çmim në varësi të sezonit. Megjithatë, taksa e re e klimës do të shoqërohet me akomodimet për turistët. Tarifa e turizmit, në euro, do të varet nga niveli dhe vlerësimi i hotelit në të cilin qëndroni. Qeveria greke pret që kjo rregullore e re të gjenerojë deri në 600 milionë euro të ardhura shtesë në vitin 2024. Kjo taksë e re do të zbatohet edhe për qiratë afatshkurtra.

Megjithatë, disa janë të shqetësuar se kjo taksë e re do t’i nxisë turistët që të mos vizitojnë Greqinë në vitin 2024. Por vetëm koha dhe numri i turistëve që tërheq vendi do të bëjë diferencën përfundimisht. Taksa turistike për fjetjet më të lira në apartamente do të jetë 1.5 euro në vend të 0.5 eurove të mëparshme për natë, ndërsa taksa për natën në hotelet me pesë yje do të rritet nga katër në dhjetë euro për natë.

Mitsotakis shtoi se prioritetet e këtij fondi do të jenë “mobilizimi sa më i shpejtë për të shpëtuar jetë në fatkeqësitë me të cilat vendiu do të përballet në të ardhmen”, si dhe sigurimi i burimeve financiare për mbrojtjen kundër krizës klimatike. Pas zjarreve në korrik dhe më pas në fund të gushtit, të cilat shkatërruan më shumë se 150.000 hektarë terren, Greqia u godit nga përmbytjet katastrofike në fillim të shtatorit.

Dorina Kurtaj / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.