Grevë e sektorit publik në Maqedoninë e Veriut: Kërkohet një rritje e pagave prej 45 euro!

Anëtarët e Lidhjes së Sindikatave të Maqedonisë kanë hyrë në grevë të përgjithshme, duke kërkuar rritje të pagave për punonjësit e sektorit publik me 45 euro, si dhe kompensim deri në 40% të pagës për pushimet vjetore.

Vendimi për grevë të përgjithshme të sektorit publik u mor më 3 qershor nga drejtuesit e LSM-së. Procesi i punës nuk do të ndërpritet vetëm nga 10 për qind e sektorit, kryesisht në urgjencë si dhe do të kryhen shërbimet e nevojshme për të mos rrezikuar sigurinë personale, shëndetin dhe jetën e qytetarëve.

Punonjësit e sektorit publik u grumbulluan në shenjë proteste jashtë vendeve të punës.  Gjithashtu, siç është paralajmëruar sindikatat, dolën në rrugë dhe vendosën 120 karrige para selisë së parlamentit, duke i kërkuar deputetëve që të pranojnë kërkesat e tyre për rritje page si në sektorin publik, ashtu dhe në atë privat.

Komisioni Parlamentar për Financa dhe Buxhet nuk e miratoi amendamentin e LSM-së të propozuar nga VMRO-ja, me të cilin parashikohej dhënia e një shume të caktuar nga buxheti për rritjen e kërkuar të pagave deri në fund të vitit.

SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.