Hapet sot tuneli i Llogarasë/ Rama: Një nga veprat historike, do ndryshojë udhëtimin drejt jugut

Ditën e sotme do të hapet tuneli i Llogarasë. Inaugurimi i tunelit nis në orën 10:00. I pranishëm do të jetë edhe kreu i qeverisë, Edi Rama si dhe zëvnedëskryeministrja dhe ministre e Infrastrukturës dhe Energjisë, Belinda Balluku.

“Dhe me tunelin e Llogarasë, një nga veprat historike që do të ndryshojë përgjithmonë udhëtimin drejt jugut, ju uroj një ditë të mbarë”-shkruan kreu i qeverisë në Facebook. Tuneli pritet që të shkurtojë distancën nga Dukati në Palasë nga 30 minuta në vetëm 7 min.

Me një gjatësi prej 5.9 kilometra, tuneli kryesor është i veshur me beton dhe i pajisur me sistemet komplekse të drenazhimit, ventilimit, mbrojtjës kundër zjarrit dhe tymrave, ndriçimit, thirrjeve të emergjencës dhe sinjalistikës. Tuneli i Llogarasë shkurton ndjeshëm kohën e udhëtimit drejt bregdetit të jugut, duke rritur njëkohësisht edhe parametrat e sigurisë rrugore.

Zëvendëskryeministrja, njëherësh Ministre e Infrastrukturës dhe Energjisë, Belinda Balluku ndoqi nga afër përgatitjet e fundit ditën e mërkurë para hapjes për qarkullimin e automjeteve të tunelit, së bashku me drejtorin e Autoritetit Rrugor Shqiptar, Gentian Gjyli dhe kryetarin e Bashkisë së Vlorës, Ermal Dredha.

Alida Lula /SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.