Huawei prezanton telefonin e palosshëm “Nova Flip” – Pajisja e re mund të përballojë deri në 1.2 milionë palosje

Kristi Ceta /SCAN

 

Huawei prezanton telefonin më të ri të palosshëm, Nova Flip. Kompania kineze është prej kohësh prezente në tregun e telefonave celularë të palosshëm, por ky smartphone është i pari i palosshëm në familjen Nova.

Me një dizajn modern, Nova Flip përmban disa veçori mbresëlënëse, duke përfshirë një mekanizëm menteshë që është testuar me rigorozitet nga SGS Zvicër dhe mund të përballojë 1.2 milion palosje. Kur hapet, trashësia e pajisjes është 6.88 mm dhe peshon 195 gram.

Nova Flip ka një ekran OLED të jashtëm 2.14 inç të vendosur pranë dy kamerave, ndërsa hapja e telefonit inteligjent jep qasje në një ekran LTPO OLED 6.94 inç me rezolucion FHD+ dhe frekuencë rifreskimi 1-120 Hz.

Ekrani i jashtëm mund të ndihmojë me inkuadrimin kur përdorni kamerën kryesore dhe mund të përdoret gjithashtu për të përdorur aplikacione individuale, duke përfshirë motin, muzikën dhe kalendarin.

Sa i përket kamerave, pajisja ka një kamerë kryesore 50 MP me një sensor RYYB 1/1.56 inç dhe hapje f/1.9, dhe ka gjithashtu një kamerë ultra të gjerë 8 MP dhe një për selfie 32 MP në pjesën e përparme.

Huawei nuk zbuloi informacione se cilin procesor përdor telefoni ose sa RAM ka, por duhet të jetë procesori Kirin 8000 i përdorur nga modelet Huawei Nova 12 dhe Nova 12 Pro.

Nova Flip përdor softuerin Harmony OS 4.2 me disa truke të inteligjencës artificiale, duke përfshirë mjetin për heqjen e objekteve, zgjedhjen e tekstit nga fotot dhe krijimin e fotove. Telefoni inteligjent vjen me një bateri 4400 mAh me mbështetje për karikim me tel 65W.

Nova Flip do të dalë në shitje duke filluar nga 10 gushti në ngjyrat New Green, Sakura Pink dhe Zero White me një çmim prej 744 dollarë për versionin 256 GB, ose 798 dollarë për versionin 512 GB. Modeli më i shtrenjtë ka 1 TB memorie dhe kushton 911 dollarë.

 

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.