Inaugurohet qendra e parë tregtare e jugut, “Galeria by TEG”. Mane: Green Coast, një vepër gjigande. Do të jetë modeli i zhvillimit të turizmit

Është përuruar qendra e vetme tregtare në të gjithë rivierën shqiptare, Galeria by TEG. E pozicionuar në Green Coast në Palasë, qendra tregtare do të ofrojë shërbime gjatë gjithë kohës e do të ketë mbi 20 njesi tregtare dhe shërbimi.

Galeria by TEG është ndërtuar bazuar në atributet e bregdetit më të bukur të rivierës joniane; një investim ky që shënon një tjetër atribut që i shtohet Green Coast, si investimi me i madh ne turizmin shqiptar.

Në ceremonine e hapjes u theksua roli gjithnjë e më i rëndësishëm i shërbimeve në zhvillimin e turizmit të qendrueshëm.

“Vlera totale e Green Coast, kur të mbarojnë hotelet e mrekullueshme do të shkojë në 1 miliard euro. Dhe do të jetë qendër e rëndësishme e turizmit jo vetëm shqiptar por edhe mesdhetar. Do të kemi inaugurime të tjera, facilitete të tjera. Janë 46 restorante e bare, 7 hotele ku 6 janë me 5 yje.  4 prej tyre kanë filluar ndërtimin. Pra, një vepër gjigande që do të jetë modeli i zhvillimit të turizmit, jo vetëm në Shqipëri, por edhe më gjerë” deklaroi Presidenti i Grupit BALFIN, Samir Mane në ceremoninë e përurimit të qendrës tregtare.

Ceremonia e hapjes së Galeria by TEG mblodhi bashkë banorë të zonës, bashkëpunëtorë biznesi, përfaqësues të medias dhe spektaklit, influencerë që përshëndetën me entuziazëm këtë sipërmarrje të re, që i mungonte “puzzle-it” të shërbimeve të Green Coast.

Kjo qendër tregtare do të ketë markat më të rëndësishme për të plotësuar nevojat e të gjithë banorëve të zonës, atyre që shpenzojnë kohë për të kaluar pushimet, atyre që janë në udhëtim apo atyre që duan të vijnë të bëjnë blerje duke shijuar bregdetin dhe eksperiencën e natyrës.

Galeria by TEG do të ketë marka të mirënjohura siç është Spar, për të plotësuar nevojat ditore të të gjithëve; do të ketë gjigantin e elektronikës në Shqipëri që është Neptun; do të ketë zgjedhje në veshje, aksesorë si dhe disa sherbime të nevojshme për një qendër të këtij lloji.

Galeria by TEG është një derivat i frymëzuar nga eksperienca ekselente e qendres tregtare TEG, e cila është qendra më e madhe dhe më e vizituar në vend.

Galeria by TEG është pjesë e grupit Balfin, grupit më të madh financues në rajon.

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.