Investimet në energji për 2024 – OSSH, Miti: Ja zonat prioritare. Synohet cilësia e furnizimit dhe ulja e humbjeve në rrjet 

Përfundimi i emergjencës së furnizmit me energji elektrike, në fund të vitit që sapo lamë pas shënon nisjen e investimeve në sektorin eletroenergjetik sipas planeve të miratuar. Llambi Miti, nga Operatori i Sistemit të Shpërndarjes thotë se për vitin 2024 do të ndërhyhet në disa drejtime, duke synuar uljen e humbjeve në rrjet.

Bregdeti, është prioritet në drejtim të investimeve, teksa Miti bën me dije disa nga zonat më kryesore.

Po ashtu, vëmendje ka edhe kryeqyteti për shkak të nevojës për furnizim me energji të ndërtesave të reja.

Data 31 dhjetor 2023 shënoi fundin e gjendjes së emergjencës në furnizimin me energji elektrike, të shpallur nga qeveria në 22 tetor të vitit 2021. Ndër të tjera, vendimi solli pezullimin e planit të investimeve nga kompanitë publike, përveç investimeve të domosdoshme.

Ola Mitre/SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.