iPhone 14 nuk do të ketë një chip të përditësuar – Për herë të parë kompania nuk do të përditësojë chip-in për një model të ri
Versioni i ri i iPhone 14 të Apple që pritet të dalë në treg këtë vjeshtë nuk do të ketë një chp të përditësuar. Ato do të ruajnë çipin A15 tashmë të pranishëm në modelet e mëparshme të iPhone 13. Rritjet vjetore të performancës së procesorëve iPhone të Apple janë ngadalësuar
Për herë të parë që kur Apple nisi të projektojë chip-e, kompania nuk do të përditësojë chip-in brenda versionit të ri të produktit të saj kryesor, iPhone.
Në vitin e fundit Apple ka nxjerrë në treg pesë chip-e Mac, si M1 e M2, që kanë ‘ushqyer’ kopmjuterat dhe lap top-et. Për të lehtësuar këtë, grupi i inxhinierisë së çipave të kompanisë duhej të drejtonte shumë burime për testimin, zhvillimin dhe prodhimin e çipave Mac.
Ky përqendrim, i shoqëruar me pengesat nga ana e ofertës, duket se ka çuar në përparim më të ngadalshëm për iPhone, Apple Uatch dhe madje edhe një modem celular. Sipas Bloomberg, modelet e nivelit fillestar të iPhone 14 që do të dalin në treg këtë vjeshtë do të ruajnë çipin A15 tashmë të pranishëm në modelet e mëparshme të iPhone 13, ndërsa vetëm versioni Pro do të ketë procesorin e ri A16. Rritjet vjetore të performancës së procesorëve iPhone të Apple janë ngadalësuar.
Apple Uatch ka të ngjarë të ketë të njëjtën performancë të përgjithshme të përpunimit për të tretin vit radhazi. Sipas ekspertëve injorimi i çipave jo-Mac nuk është një veprim i mençur, pasi Apple mbledh rreth 60% të të ardhurave të saj nga pajisjet që nuk janë të pajisura me çip M1 ose M2.
SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.