Jo mbi 10 mijë euro në kufi – Doganat, kontrolle me scaner e qen. Gazheli: Janë kapur 84 raste
Drejtoria e Përgjithshme e Doganave ka nisur një fushatë ndërgjgjësimi për deklarimin e shumave mbi 10 mijë euro në pikat e kalimit kufitar.
Në çelje të nismës, Drejtori i Përgjithshëm i Doganave, Gent Gazheli, tha se Insitucioni ka shtuar kapacitetet teknike, si dhe ka përmirësuar legjislacionin në këtë kuadër, duke e përafruar me atë të BE.
Ai tha se deri tani janë kapur 84 raste përpjekjesh për të kaluar nëpër pikat doganore shuma të konsiderueshme parash.
Kontrollet për fshehjen e shumave të parave tashmë bëhen nga scaner të specializuar, por edhe nga qen të stërvitur, të cilët përveç lëndëve narkotikëve dhe eksplozivëve janë në gjendje të zbulojnë edhe paratë e fshehura.
Lorenc Rabeta/SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.