Jo më bileta ekonomike për transport ajror – Rriten shpenzimet globale për udhëtimet me avionë përveç Azisë dhe Europës

Dorina Kurtaj/ SCAN

Shpenzimet globale të udhëtimeve të biznesit – apo fluturimeve duke zgjedhur klasin e parë, në vitin 2023 u rikuperuan në nivelet para pandemisë në Amerikën e Veriut, Amerikën Latine, Lindjen e Mesme dhe Afrikë.

Sidoqoftë, raporti vjetor i Shoqatës Globale të Udhëtimit të Biznesit tha gjithashtu se shpenzimet e udhëtimeve të biznesit të përshtatura për inflacionin mbeten nën nivelet e vitit 2019 dhe një rimëkëmbje e plotë globale përballet me ‘erëra të forta’ nga konfliktet gjeopolitike dhe një rikthim më të ngadaltë të udhëtimit në tregjet kryesore si Kina.

Shpenzimet globale të udhëtimeve të biznesit në tërësi në 2023-shin u rritën 30% në 1.34 trilion dollarë nga viti i kaluar, por ishin ende rreth 7% nën nivelet para pandemisë, sipas raportit.

Shoqata parashikon që shpenzimet do të arrijnë në 1.48 trilion dollarë deri në fund të vitit 2024, duke tejkaluar rekordin e para-pandemisë prej 1.43 trilion dollarë.

Kur u rregulluan për inflacionin, shpenzimet globale të udhëtimeve të biznesit ishin 22% më të ulëta në 2023-shin krahasuar me nivelet e vitit 2019.

Rajoni i Azisë-Paqësorit ishte rajoni me rritjen më të shpejtë në 2023-shin, i udhëhequr nga një rritje e shpenzimeve në Korenë e Jugut dhe Indi, të cilat u rritën përkatësisht 27% dhe 22% nga viti në vit.

Sidoqoftë, rajoni ende ngeli në një rikuperim të plotë pasi shpenzimet e udhëtimeve të biznesit në Kinë u rritën me 9% nga viti në vit, por ende mbeten pas niveleve para pandemisë.

Shpenzimet u rikuperuan në nivelet para pandemisë në Amerikën e Veriut, Amerikën Latine, Lindjen e Mesme dhe Afrikë.

Pavarësisht tejkalimit të rekordit të para-pandemisë prej 346.8 miliardë dollarësh, rritja e shpenzimeve në Amerikën e Veriut u ngadalësua në 25% nga viti në vit nga 73% një vit më parë.

Në mënyrë të ngjashme, në Europën Perëndimore shpenzimet e udhëtimeve të biznesit u rritën me 33% në 2023 krahasuar me 109% në 2022 kur shpenzimet u rritën pasi qeveritë hoqën kufizimet e udhëtimit. Shpenzimet e rajonit ishin 6% nën nivelet para pandemisë.

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.