Kompania ajrore Ryanair vjen në Shqipëri – Mete: Hapen 1000 vende pune, më shumë destinacione fluturimi 

Me 17 destinacione dhe 200 fluturime në javë, kompania ajrore Ryanair do të nisë operimet në Shqipëri, nga data 31 tetor.

Gjatë një konference për shtyp drejtuesi i kësaj kompanie tha se lidhja e vendin me tregjet e mëdha të vizitorëve që vijnë nga Beligjika, Franca, Gjermania, Italia, Polonia, Suedia apo Mbretëria e Bashkuar do të sjellë një rritje të konsiderueshme të trafikur ajror dhe turizmit, falë tarifave të ulta që kjo kompani aplikon.

Ndërkohë që, i pranishëm në aktivitet ishte edhe ministri i Financave dhe Ekonomisë, Ervin Mete që evuri theksin edhe te numri i vendeve të punës, që do të krijohen.

Mete foli edhe për rishikimin e taksës së turizmit, si një kërkesë e ardhur nga Ryanair për të stimuluar më tej këtë industri.

Sipas Metes, qeveria synon të mbështesë dhe zhvillojë më tej infrastrukturën aeroportuale dhe ndërlidhjet e saj me rrjetet rrugore dhe hekurudhore, ashtu siç do të jenë në vëmendje të gjitha shërbimet mbështetëse që lidhen me industrinë e turizmit.

Ola Mitre / SCAN

 

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.