Konfliktet gjeopolitike fuqizojnë tregtinë detare – Ndryshime të mëdha në tregtinë globale të naftës

Anijet e mëdha tregtare që drejtojnë sot tregtinë globale të naftës ishin një produkt i shkencës së ndërtimit të anijeve dhe nevojës për zhvillimin e ekonomisë, por fitili që i ‘ndezi’ dhe i përhapi në flotën globale të cisternave ishin konfliktet e luftës në Lindjen e Mesme. Dhe ky është një nga ndryshimet që konfliktet gjeopolitike në rajon sollën në tregtinë globale të naftës detare.

VLCC – Transportues shumë të mëdhenj të naftës së papërpunuar – prej 300 mijë tonësh, në gjendje të transportojnë 2 milionë fuçi naftë, gjetën dhe më shumë hapësirë veçanërisht pas mbylljes së Suezit në 1967 – ën.

Mbyllja e Kanalit të Suezit më 5 qershor 1967 është ndoshta më i njohur dhe sigurisht një nga shembujt më të spikatur se si u ndikua industria e cisternave dhe tregu i naftës, Konflikti aktual midis Izraelit dhe Hamasit, me Iranin ende në prapavijë, ka sjellë përsëri në plan të parë rreziqet gjeopolitike dhe ndikimin e tyre në tregjet e naftës dhe cisternave. Lufta midis Rusisë dhe Ukrainës dhe tensioni i ndezur midis SHBA-së dhe Kinës e kishin rritur tashmë ‘temperaturën’, por zhvillimet në Lindjen e Mesme të pasur me naftë shtuan një dimension krejtësisht të ri. Tensionet gjeopolitike dhe tregu i cisternave janë të lidhura pazgjidhshmërisht sepse ka pasur gjithmonë një marrëdhënie të ngushtë midis ngjarjeve gjeopolitike dhe çmimeve të naftës.

Çmimet e naftës kanë qenë të paqëndrueshme dhe përgjithësisht më të larta që kur Rusia pushtoi Ukrainën në shkurt 2022. Ndërsa reduktimet e prodhimit nga OPEC+, kryesisht nga Arabia Saudite dhe Rusia, i kanë vënë në presion edhe më të madh tregjet e naftës. Rezervat globale të naftës së papërpunuar janë relativisht të ulëta.

Aktualisht, vendet përreth Gjirit Arabik eksportojnë më shumë se 15 milionë fuçi naftë bruto në ditë dhe madje dyshimi për një ndërprerje të mundshme mund të shkaktojë një rritje të madhe si në çmimet e naftës së papërpunuar ashtu edhe në tarifat e cisternave.

Dorina Kurtaj /SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.