Koreja e Jugut po heq gradualisht kufizimet tregtare prej dekadash për mishin europian!

Republika e Koresë hapi zyrtarisht hyrjen në treg për viçin nga Franca dhe Irlanda në fillim të këtij muaji, duke i dhënë fund një ndalimi të importit që nga viti 2001 pas shpërthimit të encefalopatisë spongiforme të gjedhit (BSE) të ashtuquajturën sëmundja e ‘lopës së çmendur’.

Kufizimet ishin një burim fërkimi në vitet 2000, ndërsa blloku dhe Koreja e Jugut po negocionin marrëveshjen e tyre të tregtisë së lirë (MTL) e ndërmjetësuar përfundimisht në 2011 dhe u ratifikua zyrtarisht në dhjetor 2015.

Në shtator 2019 Koreja e Jugut filloi heqjen e ndalimit të mishit të viçit, fillimisht vetëm për prodhuesit nga Holanda dhe Danimarka, si shenjë e vullnetit të mirë ndaj bllokut.

U deshën pesë vjet të tjera për një normalizim të ngjashëm me Irlandën dhe Francën, dhe tetë vende të tjera të mëdha eksportuese të mishit të viçit, përfshirë Italinë dhe Poloninë, janë ende duke pritur në radhë.

Një zëdhënës ekzekutiv i BE-së tha se shtetet e tjera anëtare së shpejti do të ndjekin mundësinë për të eksportuar mish viçi në Korenë e Jugut. “Ne konsiderojmë se ky besim në viçin nga BE-ja së shpejti do të çojë në aksesin në treg të mishit të viçit nga vendet e mbetura anëtare të BE-së, të cilat kanë pasur aplikime në pritje për disa vite,” tha zëdhënësi.

Por prodhuesit evropianë të etur për të ditur se kur saktësisht do të hiqen kufizimet e mbetura nuk kanë një përgjigje të qartë. Një burim në lobin e fermerëve të BE-së Copa Cogeca u shfaq i sigurt se të gjitha vendet do të përfitonin “në të ardhmen e afërt” nga qasja në tregun korean.

Vitin e kaluar Komisioni hoqi një ndalim për importet nga Koreja e Jugut të supës së pulës xhensen, samgyetang, e ndaluar që nga viti 1996 për shkak të shqetësimeve mbi standardet e higjienës. Ekzekutivi i BE-së mohon çdo lidhje midis mishit të viçit dhe supës së pulës.

Ngarkesa e parë e Koresë prej 8,4 tonësh samgyetang të gatuar paraprakisht nga porti i Busanit në Gjermani u prit nga prania e disa zyrtarëve qeveritarë, si dhe prodhuesve ushqimorë të Koresë së Jugut.

Tregtia e ushqimit midis bllokut dhe Koresë së Jugut u rrit në vetëm dhjetë vjet që kur MTL hyri në fuqi nga një pjesë 5.4% e eksporteve totale të ushqimit të BE-së në 7.6%.

Edel Strazimiri / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.