Kostot e energjisë për shpërndarjen – ERE do të lërë në fuqi tarifat aktuale për shitjen me pakicë dhe shpërndarjen

Pavarësisht se mbajti të pandryshuara tarifat e shpërndarjes së energjisë elektrike, Enti Rregullator i Energjisë mund të ndërmarrë një proces të dytë gjatë vitit 2024, pasi kushtet e Operatorit të Sistemit të Shpërndarjes mund të ndryshojnë, duke qenë se 31 dhjetori do të shënojë përfundimin e emergjencës së furnizimit me energji.

Sipas Bordit të ERE-s, OSSH mund të përballet me rritje të kostove për mbulimin e humbjeve në rrjet.

Tarifa e shpërndarjes është pjesë përbërëse e formulës me të cilën përllogaritet çmimi i energjisë elektrike. Për klientët e lidhur në tensionin 35 KV tarifa është 1.55 lekë/kWh, për abonentët e lidhur në tensionin 20, 10 dhe 6 KV, 3.99 lekë/kWh, ndërsa për klientët e lidhur në tensionin 0.4 KV, tarifa e shpërndarjes është 6.42 lekë/kWh.

Ola Mitre / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.