Shqipëria memorandum bashkëpunimi me kompaninë ENI, Karakaçi: HUB Kombëtar për produktet energjetike
Shqipëria ka hedhur një tjetër hap të rëndësishëm drejt forcimit të sigurisë energjetike. Në prani të kryeministrit, Edi Rama, Ministrat Enea Karakaçi dhe Delina Ibrahimaj në emër të Qeverisë Shqiptare, nënshkruan me kompaninë ENI Memorandumin e Bashkëpunimit i cili i hap rrugë vlerësimit të mundësive për krijimin e një HUB-i Kombëtar të produkteve energjetike në vendin tonë.
Memorandumi parashikon realizimin e studimeve të fazuara mbi fizibilitetin teknik, ekonomik, financiar, ligjor dhe rregullator të këtij projekti strategjik si dhe vlerësimin e mundësive për furnizimin e tregut shqiptar me produkte energjetike.
Në fjalën e tij, ministri Karakaçi theksoi se për Qeverinë Shqiptare siguria energjetike është një element themelor i sigurisë kombëtare, zhvillimit ekonomik dhe mirëqenies së qytetarëve ndaj ky memorandum është një hap më shumë drejt këtij objektivi. “Objektivi ynë është i qartë. Të rrisim sigurinë e furnizimit, të ulim ekspozimin ndaj goditjeve të tregjeve ndërkombëtare dhe të sigurojmë që ekonomia shqiptare të ketë energjinë e nevojshme për të mbështetur zhvillimin e saj afatgjatë. Në të njëjtën linjë është vlerësuar maksimalisht edhe sektori i hidrokarbureve, ku qeveria ka marrë hapa të rëndësishëm për rregullimin sektorial”, tha Karakaçi.
Siguria energjetike nuk mund të mbështetet vetëm tek mekanizmat e tregut. Ajo është një përgjegjësi strategjike e shtetit, vijoi më tej Ministri i Infrastrukturës dhe Energjisë duke bërë të ditur se tashmë është hartuar projektligji i ri për krijimin dhe menaxhimin e rezervave strategjike të naftës në vend
“Studimi i mundësisë për krijimin e një Hub-i Kombëtar të Produkteve Energjetike merr një rëndësi të veçantë. Ai mund të përbëjë një instrument të rëndësishëm për forcimin e kapaciteteve kombëtare të magazinimit, garantimin e stoqeve strategjike dhe për rritjen e sigurisë së furnizimit për ekonominë shqiptare. Sot nuk po marrim një vendim definitiv për një investim. Sot po ndërmarrim hapin e duhur për të studiuar me seriozitet, profesionalizëm dhe përgjegjësi të gjitha alternativat që mund të kontribuojnë në sigurinë energjetike të vendit”, tha Karakaçi.
Ministri i infrastrukturës dhe Energjisë shprehu falënderimet për kompaninë ENI për gatishmërinë, ekspertizën dhe partneritetin e vazhdueshëm gjatë këtyre viteve në vendin tonë.
Siguria energjetike, memorandum Shqipëri-Eni S.P.A. Rama: Shqipëria nuk do të ketë më dilema nga krizat
Qeveria shqiptare ka nënshkruar një Memorandum Mirëkuptimi me Eni S.p.A. për studimin e fizibilitetit të krijimit të kapaciteteve kombëtare për furnizimin......
Siguria, 1 mld lekë për ndërhyrje në rrugë - FSHZH hap tenderin, akset do identifikohen sipas nevojave të bashkive
Me një fond limit prej 1 mld lekë, Fondi Shqiptar i Zhvillimit ka hapur tenderin për realizimin e ndërhyrjeve që synojnë përmirësimin e sigurisë,......
Mbi 130 mijë pensionistë vazhdojnë të punojnë në Shqipëri/ Tregu po plaket. Rritet numri i të punësuarve mbi 65 vjeç
Numri i shqiptarëve që vazhdojnë të jenë aktivë në tregun e punës edhe pas moshës së pensionit është rritur gjatë vitit 2025, duke reflektuar ndryshimet......
16 mijë studentë u regjistruan në fusha të lidhura me kulturën/ Arkitektura dhe ndërtimi kryesojnë interesin, me rreth 6,100 të rinj
Të dhënat mbi arsimin dhe kulturën tregojnë se këto fusha po fitojnë një rol gjithnjë e më të rëndësishëm në Shqipëri, si në drejtim të zgjedhjeve të të......
Konsumi i karburanteve vijon rënien - Çmimet e larta, bie importi në Maj. Zhdoganohen 55.4 mijë ton
Për të dytin muaj radhazi ka vijuar rënia e konsumit të karburanteve në vend, për shkak të çmimit të lartë përgjatë kësaj periudhe. Të dhënat zyrtare nga......
Gati skema për pagesat e bakshisheve me kartë - Topuzi: Sistemi "Tips" aplikohet Europë, mesatarja e shpërblimit është rreth 10%
Sektori i akomodimit dhe hotelerisë në vend po shkon gjithnjë e më shumë drejt formalizimit, ku jo vetëm turistët e huaj, por edhe një pjesë e konsiderueshme......
Artistët nga Arabia Saudite mbizotëruan gjatë 2025-ës/ U realizuan mbi 1 mijë shfaqje dhe 1.5 milionë vizitorë në trashëgimi kulturore
Sipas të dhënave të publikuara nga INSTAT mbi statistikat kulturore, viti 2025 ka shënuar një aktivitet të lartë artistik dhe kulturor në vend, me numër të......
Fuqia punëtore, sfida e 10-vjeçarit të ardhshëm - Dhoma Amerikane e Tregtisë prezanton indeksin e biznesit për vitin 2025
Gjetja e stafit të kualifikuar për bizneset në Shqipëri, është sfida kryesore e 10-vjeçarit të ardhshëm. Dhoma Amerikane e Tregtisë ka prezantuar për të......
