Maqedonia e Veriut e dyta në rajon për rezervat e arit – Në vend të parë vazhdon të qendrojë Serbia
Të dhënat e Këshillit Botëror të arit, bazës më të saktë të informatave për rezervat e arit sipas vendeve, për katërmujorin e dytë të këtij viti tregojnë se pas Serbisë, Maqedonia e Veriut ka rezerva më të mëdha të arit në Ballkan: aktualisht 6.9 ton.
Serbia ka rezerva më të mëdha të arit nga vendet e tjera të rajonit rreth 38.1 ton shufra ari. Pas Serbisë dhe Maqedonisë së Veriut, sic raportojnë mediat në vend, renditen Sllovenia me 3.2 ton, Bosnja e Hercegovina me 3 ton dhe Mali i Zi me 1.09 ton, ndërsa Kroacia, nuk ka rezerva ari, pasi i ka shitur në vitin 2001 – thuhet në të dhënat e Këshillit botëror të arit.
Ari njëkohësisht përfaqëson edhe rezervat mëtë rëndësishme të një vendi. Ky metal i cmuar shërben si garanci për besim në Bankën Qendrore, vecanërisht në kohëra të vështira krize, sic është momentalisht situata me tensionet gjeopolitike në Ukrainë, krizat energjetike dhe ekonomike por dhe rritjes globale të inflacionit.
SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.