Mbi 1,7 milionë turistë të huaj në tre muaj – Rama: Vetëm në mars, 734 mijë vizitorë e shijuan Shqipërinë

Në tre muajt e parë të vitit mbi 1,7 milionë turistë të huaj kanë vizituar Shqipërinë, duke vendosur një rekord të ri për industrinë tonë të re të mikpritjes.

Kjo shifër është bërë e ditur nga Kryeministri Edi Rama në një postim në rrjetet sociale.

Sipas tij, vetëm në muajin mars 734 mijë vizitorë e shijuan Shqipërinë, ose 91% më shumë se marsi i vitit të shkuar, duke shenjuar në shifra një progres të madh, të cilit duhet t’i përgjigjemi me standarde gjithnjë e më të larta mikpritjeje, duke bashkuar forcat për shërbime publike e private të nivelit më të mirë.

Gjatë vitit të kaluar Shqipëria u vizitua nga rreth 10,1 milionë turistë, ndërsa objektivat e qeverisë për vitin 2024 është që në Shqipëri të vijnë rreth 14 milionë turistë.

SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.