Mbi 666 mijë pensionistë do të kenë llogari bankare – Mete: Tarifa zero për një sërë shërbimesh në bankat tregtare

Së shpejti një sërë kategorish do të përfitojnë shërbime bankare me komision zero, duke synuar përfshirjen e tyre në sistemin financiar.

Ministri i Financave Ervin Mete, ka prezantuar në komisionin parlamentar për Ekonominë dhe Financat projektligjin “Për llogarinë e pagesave me shërbime bazike”,  ku sipas tij synon hapjen e llogarive me shërbime bazike në bankat e nivelit të dytë për disa shtresa vulnerabël, duke ofruar tarifa zero ose të diferencuara.

Ndërsa Drejtori i Mbikëqyrjes në Bankën e Shqipërisë dha disa detaje më tepër mbi kategoritë që përfitojnë.

Siopas të dhënave të siguruara nga SCAN TV, aktualisht aktualisht janë 73.950 pensionistë që marrin pensionin përmes bankave dhe 666.300 e marrin në postë.

E thënë ndryshe,  vetëm 10 për qind e pensionistëve marrin pensionin përmes bankave tregtare, kategori e cila do të përfitojë shërbime me zero komision, duke filluar nga komisioni i mirëmbajtjes së llogarisë i cili është mesatarisht 150 lekë në muaj apo 1800 mijë lekë në vit.

Vetëm nga komisioni i mirëmbajtjes së llogarisë, kategorisë së pensionistëve do t’u kursehet në total një shumë prej 133 milionë lekësh në vit.

Elisabeta Dosku/ SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.