“Memorandumet e gazit nuk janë detyrime ligjore” – Dhoma Amerikane, Këlliçi: Të merren hapat e duhur për zhvillimin e këtij sektori me rëndësi

Memorandumet e bashkëpunimit në fushën e gazit nuk nënkuptojnë asnjë detyrim ligjor për kompanitë e për pasojë nuk ndikojnë në avancimin e sektorit, që aktualisht është tërësisht i pazhvilluar”.

Pas nënshkrimit të disa memorandumeve mes kompanitë SNAM, Enagas, Linden Energy, Overgas, etj. Sekretari i Përgjithshëm i Dhomës Amerikane në Tiranë, Reshard Këlliçi komenton për TV SCAN hapat e ndjekur deri më tani nga Ministria e Infrastrukuturës dhe Energjisë dhe kompania shtetërore “Albgaz”, duke theksuar rëndësinë e ndërmarrjes së akteve ligjorë për një sektor kaq të rëndësishëm.

Këlliçi flet edhe për deklaratat e fundit të përfaqësuesve të qeverisë për rezervat e naftës të zbuluar nga SHELL.

Marrëveshja hidrokarbure mes Ministrisë së Infrastrukturës dhe Energjisë dhe SHELL u nënshkrua në vitin 2018. Marrëveshja ka një kohëzgjatje 7-vjeçare, ndërsa kosto totale e investimit është 42.5 mln USD. Ndërkohë që, , nëse do të ketë një zbulim të ri kohëzgjatja do të jetë 25 vjet me të drejtë zgjatje.

Ola Mitre / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.