Menaxherët e Facebook në “gjueti” për inxhinierë të dobët – Të gjithë ata që kanë performancë të dobët do të largohen nga kompania

Menaxherëve të Facebook-ut iu është kërkuar të analizojnë seriozisht çdo inxhinier që mbikëqyrin dhe të vendosin nëse performanca e tyre po i shërben kompanisë, në mënyrë që të ruajnë vendin e tyre të punës.

Maher Saba, kreu i inxhinierëve në Facebook, u shkroi menaxherëve në kompani se atyre u kërkohej të identifikonin në ekipet e tyre të gjithë ata që mendonin se i përkisnin kategorisë “ka nevojë për mbështetje”. Memorandumi u shfaq për herë të parë gjatë fundjavës në një postim për Blind, një aplikacion i njohur për punonjësit e teknologjisë, nga një punonjës i Facebook.

Saba, i cili ka punuar për një dekadë në kompaninë, e cila vitin e kaluar ndryshoi emrin në Meta, tha se ky proces po ndërmerret me qëllim që “të lëvizin për të larguar njerëz që nuk janë në gjendje të hyjnë në rrugën e duhur”.

“Çdo menaxher duhet të mendojë për çdo person në ekipin e tij dhe vlerën që po i shton Metës”, shkruhet më tej në memorandum. “Nëse një raport i drejtpërdrejtë është me performancë të ulët, ata nuk janë ata që na duhen, po e dështojnë këtë kompani. Nuk mund të lejohet që dikush të jetë neutral ose negativ për Metën.”

Kompania në fillim të muajit maji pezulloi punësimet e reja për disa nivele dhe departamente inxhinierike. Një nga arsyet e konfirmuara ishin të ardhurat më të ulëta në krahasim me pritshmëritë.

Kjo situatë shton shqetësimet se pushimet nga puna në Facebook janë vetëm në fillim, siç raportojnë burimet e brendshme. Pezullimi i punësimeve u pa si një lëvizje “për të frenuar valën e shpenzimeve” për punësimet e reja, tha një punonjës për Bussines Insider.

SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.