MEPJ: 20 marrëveshjeve të reja për sigurimet shoqërore gjatë 2024 – Në fokus edhe promovimi i eksporteve “Made in Albania”

Ministria për Evropën dhe Punët e Jashtme ka njoftuar mbi marrëveshjet që priten të nënshkruhen në vitin 2024 si pjesë e politikave të jashtme në diplomacinë ekonomike.

“Edhe për këtë vit diplomacia ekonomike do të vazhdojë të jetë fokusi ynë kryesor. Shërbimi i jashtëm do të punojë në mënyrë proaktive për të krijuar partneritete të reja ekonomike e për të tërhequr sa më shumë projekte e investime të huaja” njofton Ministria për Evropën dhe Punët e Jashtme.

MEPJ ka njoftuar se gjatë vitit 2024 pritet nënshkrimi i 20 marrëveshjeve të reja për sigurimet shoqërore. Gjatë 2023 në prag finalizimi ka qenë marrëveshja me Italinë si dhe ka pasur bisedime teknike me shtete si Greqia, Serbia, Spanja, Polonia dhe Moldavia.

Gjithashtu fokus i 2024 në politikat e jashtme do të jetë edhe promovimi i eksporteve “Made in Albania”.

Nebi Xhomaqi / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.