Mijëra njerëz pritet të protestojnë ndaj masave shtrënguese të BE-së në Bruksel!

Mijëra protestues pritet të mblidhen në Bruksel të martën për të protestuar ndaj asaj që ata i perceptojnë si masa të reja shtrënguese, ndërsa 27 vendet e Bashkimit Europian diskutojnë mënyrat për të rishikuar rregullat për shpenzimet qeveritare.

Ministrat e financave nga blloku kanë negociuar për muaj të tërë një reformë të rregullave të BE-së që kufizojnë borxhin dhe deficitet për vendet anëtare, të njohur si Pakti i Stabilitetit dhe Rritjes, i cili do të kufizonte opsionet e vendeve që kërkojnë të shpenzojnë rrugën e tyre për të dalë nga një krizë dhe potencialisht i detyrojnë ata në masa shtrënguese.

Rregullorja, e cila shpesh ka rezultuar e vështirë për t’u zbatuar dhe ka shërbyer si burim tensioni, u pezullua gjatë pandemisë COVID-19, por duhet të riaktivizohet vitin e ardhshëm. Rregullat aktuale përcaktojnë që borxhi publik total i shteteve anëtare nuk duhet të kalojë 60% të PBB-së së tyre dhe deficiti i tyre vjetor duhet të mbahet nën 3%.

Sipas shifrave më të fundit të BE-së, normat më të larta të borxhit të qeverisë ndaj PBB-së ishin në Greqi me 166.5%, Itali me 142.4%, me katër vende të tjera që kaluan gjithashtu pikën 100%. Mes tensioneve midis Gjermanisë dhe Francës, një marrëveshje për rregullat e rishikuara ende nuk është gjetur.

Por Konfederata e Vashkuar e Sindikatave Europiane, ETUC, e cila përfaqëson 45 milionë anëtarë, pretendon se sipas projekt-propozimit aktual për reformën, 14 shtete anëtare do të detyrohen të shkurtojnë 45 miliardë euro nga buxhetet e tyre vetëm vitin e ardhshëm.

Me zgjedhjet europiane të vitit të ardhshëm dhe një rritje të së djathtës ekstreme në të gjithë kontinentin, ETUC paralajmëroi gjithashtu se “e djathta ekstreme është përfituesi kryesor i llojit të politikave fiskale që propozohen”.

Ai tha se sindikatat do të përdorin protestën në kryeqytetin e institucioneve të BE-së për të kërkuar masa që përjashtojnë investimet për objektivat sociale dhe klimatike nga kufijtë e shpenzimeve.

Ata gjithashtu do t’u kërkojnë qeverive të mbajnë në fuqi mekanizmat e solidaritetit të prezantuara gjatë krizës së koronavirusit, të tillë si Plani i Rimëkëmbjes dhe Rezistencës me shumë miliardë euro të kredive dhe granteve, i krijuar për të ndihmuar 27 vendet e BE-së t’i japin jetë të re ekonomive të tyre të shkatërruara nga virusi.

Edel Strazimiri / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.