Moska: Kufizimet mund të rrisin çmimet e naftës – Liderët e G7-ës propozuan vendosjen e një kufiri për çmimet e importeve ruse
Zëvendëskryeministri i Rusisë, Alexander Novak tha se përpjekjet për të kufizuar çmimin e naftës ruse mund të çojnë në një “zhbalancim” në treg dhe të rrisin çmimet, sipas raportimeve të agjencisë ruse të lajmeve Interfax.
Deklaratat e Novak vijnë pasi liderët e G7-ës vendosën të vlerësojnë “fizibilitetin e vendosjes së kufijve të përkohshëm për çmimet e importit” të karburanteve fosile ruse, përfshirë naftën, dhe udhëzuan ministrat që të vlerësojnë këtë propozim në mënyrë urgjente.
Zyrtarë të BE-së konfirmuan për agjencinë e lajmeve Reuters se Gjermania dhe qeveritë e tjera të Bashkimit Europian janë treguar të kujdesshëm në lidhje me propozimet, të cilat kërkojnë ndalimin e transportit të naftës ruse të shitur mbi një prag të caktuar cmimi.
SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.