“Në 2023 u regjistruan mbi 9 milionë hyrje-dalje automjetesh” – Ministri i Brendshëm bën përmbledhjen e punës: garanci e plotë turizmit, zero ngjarje
Ministri i Brendshëm Taulant Balla ia ka dedikuar ecurisë së turizmit një pjesë të mirë të përmbledhjes së punës së dikasterit të tij për vitin 2023, por edhe të vitit që sapo ka nisur.
Ai e cilësoi vitin e shkuar si vit rekord për treguesit e turizmit. Sipas Ballës, gjatë vitit të shkuar, janë rregjistruar në hyrje/dalje, 33 685 793 shtetas, ashtu si dhe një shifër rekord prej 9 123 127 automjetesh.
Siguria publike gjatë vitit 2023, ishte një test i rëndësishëm pasi çertifikoi vendin tonë si një destinacion të sigurtë turistik, me ZERO ngjarje kriminale të qëllimshme, siguri që Ministri Balla e garantoi edhe për sezonin 2024.
Lorenc Rabeta/SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.