Në “filtër” strukturat akomoduese në turizëm – Qeveria miraton ligjin, rregulla të reja për sektorin
Qeveria ka miratuar projektligjin e ri për turizmin, si një përgjigje ndaj ecurisë që ka pasur sektori, bumit të turistëve të regjistruar gjatë vitit që lamë pas si dhe në funksion të përmirësimit të shërbimeve.
Ministrja e Turizmit, Mirela Kumbaro, theksoi se ligji aktual nuk i përgjigjet më zhvillimeve në sektor, dhe se drafti i ri synon lehtësim të procedurave për operatorët turistik, por nga ana tjetër forcim të kontrolleve.
Nga ana tjetër, pjesë e këtij ligji është edhe filtri që do tu bëhet strukturave akomoduese, duke u taksuar në bazë të shfrytëzimit të kapaciteteve reale të tyre.
Risi e projektligjit është edhe fokusi më i madh në gjenerimin e statistikave në turizëm. Ky draft është hedhur për konsultim vitin e kaluar, ku është diskutuar edhe me grupet e interesit, ndërsa paralelisht qeveria po punon për strategjinë kombëtare të turizmit 2024-2030, e cila pritet të mbyllet brenda pranverës së këtij viti.
Elisabeta Dosku/ SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.