“Ngrirja” e tregtisë me Izraelin – A do të kthehet vendimi në një boomerang për Turqinë?

Vendimi i Turqisë për të “ngrirë” tregtinë me Izraelin derisa qeveria izraelite të lejojë dërgimin e ndihmave humanitare në Gaza dhe të arrihet një armëpushim i përhershëm, ka habitur dhe mërzitur eksportuesit turq. Kompanitë turke, të cilat furnizonin Izraelin me një gamë të gjerë produktesh u gjendën të papërgatitura, në momentin kur Turqia vendosi ndalimin e eksportit të 54 llojeve të produkteve në Izrael.

“Ngrirja” totale e eksporteve prek kryesisht vetë tregtarët. Shumë mallra të destinuara për në Izrael vonohen në doganë pasi sistemi i zhdoganimit u mbyll përpara se të shpallej vendimi për ndalimin.

Vitin e kaluar eksportet turke në Izrael arritën në 5.4 miliardë dollarë, ndërsa importet në 1.6 miliardë dollarë. Por, Turqia nuk dërgoi vetëm çelik, materiale ndërtimi, automjete, plastikë, pajisje elektrike dhe makineri.

Shumë kompani turke ushqimore i dërgonin produktet e tyre në Izrael dhe si rrjedhojë në territoret palestineze. Të gjithë kanë frikë se ndalimi i ushqimit nga Turqia do të thotë se ajo që ishte e destinuar për territoret palestineze do të bllokohet nga doganat izraelite.

Në pritje të udhëzimeve të mëtejshme nga Ministria turke e Tregtisë, shumë eksportues turq po kërkojnë mënyra alternative për të dërguar mallrat e tyre në Izrael, A do t’i hapë Egjipti kufijtë për palestinezët përmes Jordanisë, apo Libanit? Por, edhe kjo zgjidhje mund të përjashtohet.

Ushqimi është shumë i ndjeshëm pasi eksportuesit turq prodhojnë gjithashtu ambalazhe speciale për Izraelin. Bankierët besojnë se kjo lëvizje e Turqisë mund të rrisë çmimet në Izrael. Nga ana tjetër, me gjendjen e ekonomisë turke në një moment kritik, në pritje të reformave të vështira për të frenuar inflacionin në 70%, një lëvizje e tillë mund të dëmtojë më shumë qytetarët turq sesa Izraelin.

Dorina Kurtaj / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.