OECD certifikon progresin e Shqipërisë-Vendi ynë lider për rajonin në 13 nga 15 dimensionet e Raportit
![](https://scantv.al/wp-content/uploads/2024/06/gradient-blue-top-playlist-music-2022-youtube-thumbnail-4-765x383.png)
Në Konferencën e Nivelit të Lartë për Evropën Juglindore në Paris ku u prezantua Raporti i OECD për Konkurrueshmërinë 2024 (viti 2023 krahasuar me vitin 2021) për vendet e Ballkanit Perëndimor, u certifikua progresi i Shqipërisë.
Raporti Competitiveness Outlook, vlerëson politikat e vendeve të Evropës Juglindore në 15 dimensione kryesore, duke analizuar 440 indikatorë të ndryshëm ekonomikë e sektorialë për të ndihmuar ekonomitë e rajonit të përmirësojnë politikbërjen dhe të rrisin konkurrueshmërinë. Ministri i Ekonomisë, Kulturës dhe Inovacionit Blendi Gonxhja ka thënë se ky raport është thelbësor ku finalizohet agjenda e reformave.
Shqipëria ka shënuar progres të madh në shumë dimensione, duke përfshirë politikat e punësimit, turizmit, ato tregtare, mjedisin e bujqësinë, energjinë, aksesin në financë, politikat anti-korrupsion, edukimin, shoqërinë digjitale, nxitjen e investimeve, etj! Vendi ynë është lider për rajonin në 13 nga 15 dimensionet e Raportit!
Qeveria Shqiptare është e angazhuar të ndjekë dhe zbatojë rekomandimet e raportit, duke synuar një ekonomi të qëndrueshme dhe konkurruese, të orientuar drejt tranzicionit të gjelbër dhe dixhital, me politika të përfshirjes sociale dhe punësimit që sigurojnë integrimin dinjitoz të Shqipërisë në BE.
Alida Lula /SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.