Orban në krye të Parlamentit Europian? – Michel njofton dorëheqjen e parakohshme nga posti i presidentit!
Presidenti i Këshillit Evropian, Charles Michel, njoftoi të shtunën planin e tij për të dhënë dorëheqjen e hershme në mënyrë që të mund të kandidojë për një vend në Parlamentin Europian në qershor.
Kjo do të bënte që ish-kryeministri belg të largohej nga posti i tij përpara skadimit të mandatit të tij si shef i Këshillit në fund të nëntorit.
Vendimi i tij ka shkaktuar një përleshje nga krerët e qeverive europiane për të emëruar një president të ri ose rrezikon që roli t’i bjerë përkohësisht kryeministrit nacionalist të Hungarisë, Viktor Orbán.
Hungaria do të marrë përsipër presidencën e radhës gjashtëmujore të bllokut 27 anëtarësh nga 1 korriku.
Orbán përplaset shpesh me Bashkimin Europian, duke kundërshtuar nisma të shumta të BE-së në mbështetje të Ukrainës dhe është përballur me kritika të gjera për minimin e të drejtave demokratike në Hungari.
Presidenti i Këshillit Europian duhet të zgjidhet nga shumica e liderëve të bllokut.
Edel Strazimiri / SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.