Partneri më i madh i asistencës financiare për Shqipërinë – BE jep 250 milionë euro për programet kombëtare në vendin tone gjatë 2 viteve të fundit
Bashkimi Europian, gjatë dy viteve të fundit ka dhënë më shumë se 250 milionë euro financime, si pjesë e fondeve të para-anëtarësimit për programet kombëtare në Shqipëri.
Zyra e Delegacionit të BE-së në Tiranë ka publikuar në faqen zyrtare disa statistika në sektorët që janë mbështetur teksa theksoi se, “Bashkimi Evropian është partneri më i madh i asistencës financiare për Shqipërinë”.
Sipas të dhënave, totali i investimeve të huaja direkte të BE-së arijnë në 11 miliardë euro në vitin 2022. Ndërsa vëllimi total i tregtisë në mallra me BE-në shënon 7.1 miliardë euro në vitin 2022.
Krahas programeve ekonomike, BE i kushton një vëmendje të madhe kapitalit njerëzor. Në këtë kuadër BE është fokusuar në mbështetjen për rininë, arsimin dhe inovacionin.
11.500 pjesëmarrës morën pjesë në shkëmbime mes BE dhe Shqipërisë në fushën e arsimit, trajnimit dhe rinisë e sportit në kuadër të ERASMUS 2014-2020.
Në kuadër të planit ekonomik dhe investimeve për Shqipërinë, BE ka mobilizuar tashmë 1.4 miliardë lekë në investime nga të cilat 470 milionë euro në grante.
Në objektivat e BE për vitin 2030, pritet të instalojë 713 MW kapacitet gjenerimi të energjisë së rinovueshme.
Te rehabilitojë 185 km linja hekurudhore. Të përmirësojë shërbimet e ujit dhe ato higjienike për mbi 975 000 banorë. Të pajisin 627 shkolla me laboratorë smart për 198 000 studentë në vit, si dhe programe të tjera.
N.Xh / SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.