Pas suksesit në pandemi, Amazon mbyll magazinat – Kompania shpenzoi miliarda dollarë për dyfishimin e përmasave të rrjetit

Amazon është detyruar të anulojnë ndërtimin e magazinave të reja si dhe të mbyllë disa nga ato ekzistuese për shkak të uljes së nivelit të shitjeve on line. Sipas ekspertëve kjo ndodh dhe për shkak të inflacionit, pasi njerëzit kursejnë duke preferuar të shpenzojnë për karburant apo udhëtime

Pasi shpenzoi miliarda për dyfishimin e përmasave të rrjetit të shpërndarjes gjatë pandemisë, Amazon tashmë ndodhet në një situatë të rrezikshme.

Në tremujorin e parë të vitit 2022. Gjiganti i e-commerce regjistroi një humbje neto prej 3.8 miliard dollarësh pasi regjistroi një fitim prej 8.1 miliard dollarësh në tremujorin e parë të vitit 2021. Kjo përfshin dhe 6 miliard dollarë shpenzime shtesë, pjesa më e madhe e të cilave ka shkuar në rrjetin e shpërndarjes.

Drejtuesi financiar i Amazon, Brian Olsavsky, deklaroi se kompania ka zgjedhur të shtrijë rrjetin e magazinave duke u mbështetur në pritshmëritë e larta për rritjen e kërkesës. Por deri tani, këtë vit, këtë vit ka anuluar ose ka shtyrë planet për të paktën 16 struktura të programuara.

Ai shtoi se aktualisht ekziston një kapacitet i tepërt në rrjet, i cili duhet shfrytëzuar. Për këtë arsye janë reduktuar pritshmëritë për ndërtime të reja. Shumë vendime për këto ndërtime u morën 18 deri në 24 muaj më parë, që do të thotë se ka kufizime mbi të cilat mund të kryhen modifikime në gjysmën tjetër të këtij viti.

Suksesi i shitjeve online, sidomos nëpërmjet Amazon, ka përfunduar dhe parashikimet rezultuan të tepruara në krahasim me realitetin.

Sipas Zyrës së Regjistrimit të Shteteve të Bashkuara të Amerikës, shitjet me pakicë të tregtisë elektronike në tremujorin e parë të 2022 u rritën me 2.4%, krahasuar me tremujorin e fundit të 2021. Por shitjet e tregtisë elektronike si përqindje e shitjeve totale me pakicë, në fakt ranë pak në baza tremujore.

Në mars, shitjet e e-commerce ranë nga e njëjta periudhë e vitit të kaluar, ndërsa shitjet tradicionale u rritën, sipas Mastercard SpendingPulse. Kjo nuk kishte ndodhur që nga fillimi i pandemisë dhe shënoi rënien e parë vjetore në shpenzimet online që nga viti 2013.

Ngadalësimi mund t’i atribuohet disa faktorëve. Shumë veta theksojnë inflacionin si fajtorin kryesor: me më pak të ardhura të disponueshme, blerësit përpiqen të kursejnë duke shpenzuar më pak në internet, duke i ndarë paratë e tyre për gjëra të tilla si udhëtimet dhe karburantet.

SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.