Portali i Fermerit, Rama dhe Krifca: Informacion në kohë reale dhe transparencë për çmimet!

Ministrja e Bujqësisë Frida Krifca dhe Kryeministri i vendit Edi Rama prezantuan sot Portalin e Fermerit i cili sipas tyre është një tjetër produkt i Revolucionit Digjital.

Rama u shpreh se me këtë aplikacion fermerët do të marrin të dhëna në kohë reale dhe ky portal do të bëjë transparencë të plotë edhe të çmimeve dhe fermeri mund të hapë dhe të shohë në çdo kohë se sa janë çmimet.

Gjatë prezantimit Rama dhe krifca theksuan se ky portal i ri mundëson informacion në kohë reale mbi tregjet, çmimet, analizat ushqimore, skemat aktive të mbështetjes dhe instrumentet e financimit, kujdesin veterinar, ofertën e farmacive bujqësore, tipologjinë e grumbulluesve, mundësitë e tokave me qira, legjislacionin në fuqi e shumë informacione të tjera, duke iu bërë krah fermerit në jetën e tij të përditshme.

Krifca gjithashtu në fjalën e saj u shpreh se ky portal është një nevojë e kahershme e sektorit, për të pasur informacion mbi bujqësinë, politikë bërjen e tij si dhe aksesit për të gjithë qytetarët e interesuar.

Edel Strazimiri / SCAN

 

 

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.