Presidenti turk Erdogan, vizitë zyrtare në Tiranë – Agjenda/ Takime me krerët e shtetit, firmosja e 3 marrëveshjeve, përurimi i xhamisë

Ernilda Luzi/Scan

 

Rreth orës 11:00, presidenti i Turqisë, Recep Tayyip Erdogan, pritet të mbërrijë në Tiranë për një vizitë zyrtare. Pas takimit me homologun e tij shqiptar, Bajram Begaj, Erdogan do të zhvillojë një takim edhe me kryeministrin Edi Rama. Më tej rreth orës 13:15, agjenda do të vijojë me mbledhjen e Këshillit të Bashkëpunimit të Nivelit të Lartë mes delegacioneve të dy vendeve, ku pritet të nënshkruhen tre marrëveshje.

Marrëveshja e parë do të jetë deklarata e synimit mbi bashkëpunimin në fushën e sigurimeve në bujqësi të mbështetur nga shteti, marrëveshja e dytë, protokolli ndërmjet Ministrisë së Arsimit dhe Sportit të Republikës së Shqipërisë dhe Këshillit të Lartë të Arsimit të Republikës së Turqisë për Hapjen e Degës, Njësisë Akademike, Programeve të Studimit nga Universiteti Teknik i Stambollit në Shqipëri.

Ndërsa marrëveshja e tretë, memorandumi i Mirëkuptimit ndërmjet Agjencisë për Media dhe Informim të Republikës së Shqipërisë dhe Drejtorisë së Komunikimit të Presidencës së Republikës së Turqisë për bashkëpunim në fushën e marrëdhënieve me publikun dhe komunikimin.

Rreth orës 14:35 pritet deklarata për shtyp mes Ramës dhe Erdogan, ndërsa vizita vizita e Presidentit të Turqisë në Shqipëri do të mbyllet rreth orës 16.50 me përurimin e xhamisë së Namazgjasë, ku i pranishëm do të jetë edhe kryeministri Rama.

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.