Qeveria e re e Shkupit rrit pensionet me 80 euro – Një rritje e dytë do të pasojë edhe në mars 2025

Pensionet në Maqedoninë e Veriut do të rriten me 80 euro duke filluar nga shtatori i këtij viti. Rritja do të jetë në dy pjesë: shuma e parë e rritur për 2.500 denarë (80 euro) shtesë do t’u paguhet pensionistëve në shtator, ndërsa rritja e dytë prej 2.500 denarë të tjera është planifikuar për në mars.

Sipas ministres së Financave, pensionistët që marrin 15.000 denarë do të kenë 17.500 denarë shtesë në shtator, ndërsa 20.000 denarë me rritjen e marsit të vitit të ardhshëm.

Qeveria e re e Shkupit mori vendime dhe për emërimin e personelit drejtues të institucioneve shtetërore. Ekzekutivi ka gjithsej 20 ministri, ndërsa qeveria ka 24 anëtarë.

Kabineti qeveritar përfshin 15 anëtarë nga koalicioni i udhëhequr nga VMRO-DPMNE, gjashtë nga koalicioni Vredi dhe dy nga koalicioni ZNAM.

Në zgjedhjet parlamentare të 8 majit, deri atëherë partia më e madhe opozitare VMRO-DPMNE fitoi bindshëm, duke fituar 58 mandate parlamentare, ndërsa koalicioni i udhëhequr nga LSDM i ish-kryeministrit Dimitri Kovaçevski fitoi 18 mandate në parlamentin prej 120 vendesh.

Dorina Kurtaj /SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.