Rënia e dollarit amerikan – Që nga viti 2022 procesi global i “de-dollarizimit” është përshpejtuar

Procesi i de-dollarizimit po rritet pasi Shtetet e Bashkuara të Amerikës po abuzojnë me statusin dominues të monedhës së tyre, e cila po sheh gjithnjë e më shumë vende që kërkojnë zëvendësime për dollarin amerikan për rezervat e tyre valutore.

Hegjemonia financiare është shtylla e hegjemonisë amerikane dhe statusi dominues i dollarit është themeli. Nëpërmjet uljeve të normave të interesit dhe rritjes së dollarit amerikan nga Rezerva Federale, SHBA ka tkurrur pasurinë globale në mënyrë të vazhdueshme.

Gjithnjë e më të vetëdijshëm për nevojën për të hequr qafe dominimin e dollarit, shumë vende kanë nisur procesin e “de-dollarizimit”.

Që nga fillimi i vitit 2022, procesi global i “de-dollarizimit” ka filluar të përshpejtohet.

Vendet kanë reduktuar zotërimet e tyre të borxhit kombëtar të SHBA-së, duke promovuar diversifikimin e aktiveve të rezervës valutore dhe duke kërkuar të përdorin marrëveshje dypalëshe dhe shumëpalëshe të monedhës për të shlyer transaksionet në tregtinë ndërkombëtare.

Ndërkohë, shumë banka qendrore i janë drejtuar arit për të shmangur rreziqet gjeopolitike, gjë që reflekton si rënien e besimit global ndaj dollarit, ashtu edhe një gatishmëri të shtuar për të “de-dollarizuar”.

Sipas ekspertëve një nga qëllimet e tyre kryesore të vendeve për të rritur rezervën e tyre të arit është të diversifikojnë përbërjen e rezervave të aseteve. Një arsye e mundshme mund të jetë reduktimi relativisht i përbërjes së dollarit dhe borxhit të SHBA.

Ministria e Punëve të Jashtme të Indisë publikoi ​​një deklaratë ku thuhej se India dhe Malajzia kanë rënë dakord të përdorin rupinë indiane për tregtinë. Ministria tha se tregtia midis Indisë dhe Malajzisë tani mund të vijojë në rupi indiane përveç monedhave të tjera ekzistuese.

Në Samitin e shtatë të Komunitetit të Shteteve të Amerikës Latine dhe Karaibeve të mbajtur në fund të janarit, presidenti brazilian dhe ai argjentinas publikuan një deklaratë të përbashkët, duke konfirmuar se të dy vendet po punojnë për të nisur një monedhë të përbashkët të Amerikës së Jugut, duke promovuar bashkëpunimin në fusha financiare, tregtare dhe të tjera dhe përmirësuar aftësinë për t’u përballur me goditjet e jashtme.

Dorina Kurtaj / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.