Reshje shiu dhe dëbore në të gjithë vendin – ARRSH përditëson situatën për të gjitha akset kryesore!

Autoriteti Rrugor Shqiptar ka bërë me dije se gjatë natës i gjithë vendi është përfshirë nga reshje shiu dhe dëbore dhe se në zonat malore grupet e punës kanë qenë në terren për të bërë pastrimin nga rënia e gurëve apo inerteve në trup të rrugës.

Sipas njoftimit në Korçë-Dardhë, në Tamarë-Vermosh, në Qafë Thore-Bogë, në Valbonë nga km 20 ka pasur reshje dëbore me intensitet mesatar ndërsa mjetet borëpastruese kanë vijuar punën pa ndërprerje duke bërë që rrugët aktualisht të jenë të pastruara nga dëbora dhe qarkullimi vijon pa probleme.

ARRSH u bën thirrje drejtuesve të mjeteve të pajisen me goma dimërore dhe zinxhirë kur udhëtojnë për në segmentet me prezencë dëbore, të ulin shpejtësinë, të respektojnë sinjalistikën dhe udhëzimet e Policisë Rrugore.

SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.