“Rritja e gjobave do të nxisë ndërgjegjësimin” – Zv.ministrja Xhembulla: Penalitete edhe për turistët
Me anë të disa nismave ligjore, të cilat kanë si qëllim mbrojtjen e mjedisit dhe ajrit, Qeveria ka vendosur që të rrisë me 30 për qind nivelin e gjobave për bizneset, institucionet dhe qytetarët.
Zv.ministrja e Turizimit Almira Xhembulla tha se përmes ashpërsimit të gjobave, synohet ndërgjegjësimi i tyre, për të bërë të mundur uljen e nivelit të ndotjes.
E ftuar në emisionin “Box to Box” Xhembulla tha se përjashtim nuk do të bëjnë as turistët, të cilët po ashtu do të përballen me penalitete, nëse shkaktojnë ndotje.
Sa i takon mënyrës, sesi do të organizohet ky aksion, përveçëse do të intensifikohen kontrollet, në bashkëveprim dhe bashkëpunim me disa institiucione të përfshira, në rastin e zonave të mbrojtura do të vendosen në funksion të inspektorëve edhe kamerat e sigurisë.
Më herët ministrja Kumbaro ka deklaruar, se përmes këtyre iniciativave ligjore që kanë në thelb rritjen e nivelit të gjobave, synohet reduktimi i ndotjes me 40 për qind. Por, për ekspertët kjo nuk është e mjaftueshme.
Ata kërkojnë që të ndërmerren masa shtesë, që kanë të bëjnë me flotën e automjeteve që janë në qarkullim, si edhe kompanitë e ndërtimit, që konsiderohen edhe si ndotësit më të mëdhenjë.
Ada Hazizolli/SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.